Гарадскі фестываль вулічнага мастацтва пад назвай «Легенды Мазыра» пры падтрымцы ініцыятывы Urban Myths прадугледжвае з’яўленне дзесяці муралаў ад розных мастакоў. Усе яны так ці інакш аб’яднаныя адным кірункам: гісторыя, фальклор і прыродныя асаблівасці горада.

У працэсе стварэння аднаго з малюнкаў

«Калі рыхтавалася канцэпцыя праекта, мы вельмі шмат размаўлялі з мясцовымі краязнаўцамі, хадзілі ў музей, даведаліся пра рэдкія прыгожыя расліны мазырскіх яроў. Потым адабралі ўсё самае цікавае з гэтай інфармацыі і перадалі для натхнення мастакам — мясцовым і з іншых гарадоў. Каб яны ўжо пераасэнсавалі гэта ў сваім стылі», — апісваюць куратары праекта.

Напрыклад, згодна з адной з легенд, магічны Мазыр стаіць на велізарнай вустрыцы (рачная вустрыца перлавіца — тыповы насельнік Прыпяці). Менавіта гэтая фантазія ўвасобілася ў першай рэалізаванай працы студэнткі Беларускай дзяржаўнай акадэміі мастацтваў Лізаветы Янковай пад назвай «Мазырская галактыка».

 

Першы малюнак праекта асвяжыў гарадскую трансфарматарную падстанцыю. На працу сышло каля пяці дзён, некалькі літраў акрылавай фарбы і яшчэ больш за 10 балончыкаў.

Яшчэ адзін з ужо гатовых муралаў — праца ў фальклорным стылі «На ўзгорках» Алены Катоўскай. На ёй можна пабачыць абрысы Мазырскага замка, разлівы Прыпяці і маляўнічыя ўзгоркі ўзбярэжжа. Арыенцір, каб адшукаць новае графіці для сэлфі, — гарадскі гарналыжны комплекс.

 

Па вуліцы ж Інтэрнацыянальная 47, недалёка ад стадыёна «Юнацтва», мясцовыя і госці Мазыра змогуць любавацца сімвалам горада з герба — залатым арлом у вобразе рыцара.

 

Наперадзе ва ўрбаністаў — перанясенне яшчэ сямі малюнкаў з эскізаў на сцены горада. Праект робіцца на энтузіязме мясцовых актывістаў і запрошаных мастакоў, таму кожны жадаючы можа патрымаць іх справу на «Патрэоне». 

Увогуле, гэта не адзіны цікавы праект творчай моладзі, які яна марыць раэлізаваць у Мазыры. У планах таксама сайт з гістарычнымі артыкуламі і ўспамінамі вядомых мазыран, нефармальны канал у тэлеграме з парадамі, як цікава можна бавіць час, і рэгулярныя экскурсіі па таямнічых месцах горада.

Чытайце таксама:

У дзесяці гарадах Беларусі з'явяцца графіці на гістарычную тэматыку — паглядзіце, якія муралы ўпрыгожаць Пінск і Мазыр ФОТЫ

Мастацкім роспісам па несанкцыянаваных надпісах. Улады ініцыявалі стварэнне не менш за 120 графіці ў Мінску

Клас
8
Панылы сорам
1
Ха-ха
Ого
Сумна
2
Абуральна

Хочаш падзяліцца важнай інфармацыяй ананімна і канфідэнцыйна?

2
верабей / Адказаць
30.07.2022
Праект робіцца на энтузіязме мясцовых актывістаў і запрошаных мастакоў, таму кожны
https://nashaniva.com/296392


дакладна?
а чаму на выяве такі горды амерыкана-польскі арол?
0
Кококо / Адказаць
01.08.2022
верабей, Гэта ж герб горада, алё
1
Максим Дизайнер / Адказаць
01.08.2022
Устрица реально вштыривает. В КПСС чинуши ЛСД обдалбливались на партсобраниях. Кто это мог утвердить?
Паказаць усе каментары/ 4 /
Каб пакінуць каментар, калі ласка, актывуйце JavaScript у наладах свайго браўзеру