Грамадства1515

Ва Уруччы хочуць збудаваць праваслаўную царкву ў балгарска-візантыйскім стылі

Непадалёк ад скрыжавання вуліц Шугаева і Русіянава ва Уруччы мае паўстаць храм. Пройдзе грамадскае абмеркаванне — падрабязнасці апублікаваныя на сайце адміністрацыі Першамайскага раёна.

Храмавы комплекс можа з'явіцца праз дарогу ад жылой забудовы. Найбліжэйшы дом — Шугаева, 23/2. Цяпер там пустка, сказана ў тлумачальнай запісцы да праекта, паведамляе Onliner.by.

Агульны план забудовы

Пабудуюць царкву (яна будзе прысвечаная святой пакутніцы Таццяне), капліцу з фантанам і званіцу. Гэтая зона будзе агароджаная. Пры царкве ўладкуюць спартыўную і дзіцячую пляцоўкі, месца для ціхага адпачынку — гэтую частку адкрыюць для ўсіх. Цікава, што да цокальнага паверха царквы будзе прымыкаць паркоўка, яе хочуць размясціць пад цэнтральнай плошчай комплексу.

Адзначаецца, што ўсе аб'екты будуць невысокімі. Вось асноўныя параметры: вышыня асноўнай часткі храма — 12 метраў, асноўнай часткі званіцы — 7,53 метра, вежы — 16 метраў.

Распрацоўшчык праекта — індывідуальны прадпрымальнік архітэктар В. Арабей.

Грамадскае абмеркаванне пройдзе з 22 верасня па 6 кастрычніка ў электронным выглядзе. З матэрыяламі можна азнаёміцца на сайце адміністрацыі Першамайскага раёна ў раздзеле «грамадскія абмеркаванні» і ў вестыбюлі мясцовага выканкама. Заўвагі і прапановы прымаюць у пісьмовай форме да 6 кастрычніка.

У іншым месцы Уручча з'явіцца яшчэ адна царква. Гэта справа ўжо вырашаная, грамадскае абмеркаванне прайшло летам. Аб'ект з назвай «Храм Сабора Беларускіх святых» з'явіцца на ўзвышшы ля офіснага цэнтра «Порт» і побач з могілкамі «Уручча», у межах праспекта Незалежнасці, а таксама Ложынскай і Шафарнянскай вуліц. 

Каментары15

  • о боже
    19.09.2022
    Аб'ект з назвай «Храм Сабора Беларускіх святых»
    мда?
    ну пасля храма (храмішча) усіх святых, з-за якога ледзь не перайменавалі вуліцу Каліноўскага во Всхесвятскую гэта так ужо - мелачы
  • о боже
    19.09.2022
    чаму я так скептычна наконт «Храм Сабора Беларускіх святых»? таму што ведаю, што дзесьці ва Уруччы ёсць

    Храм святого преподобномученика Афанасия Брестского

    давайце паглядзім, ці шмат беларускага ў гэтым Афанасіі Брэстскім...

    і чаму храм яму не ў Брэсце, раз ён Брэсцкі, га, шэу?
  • Бондар
    19.09.2022
    Прыгожа, лепш чым мураў’ёўка
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Сын Пяткевіч вярнуўся з ЗША, каб заняцца кансультацыямі па крыптавалюце. І заадно падпрацаваць стажорам у БДУ3

Сын Пяткевіч вярнуўся з ЗША, каб заняцца кансультацыямі па крыптавалюце. І заадно падпрацаваць стажорам у БДУ

Усе навіны →
Усе навіны

Беларусам, якія атрымалі грэчаскі шэнген, сталі часта тэлефанаваць з консульства4

Праводзяцца вялікія перамяшчэнні войскаў па Беларусі10

Борыс Джонсан падтрымаў прапанову Трампа па выкапнях ва Украіне7

«Людзей эвакуявалі ў клуб». Што адбывалася ў вёсцы Брагінскага раёна пасля падзення расійскага дрона2

«Бабу нясе». У злітай размове рэктар БДУ прайшоўся па прарэктарцы, якая пісала справаздачу ў КДБ6

Журналістцы з Мінска запенілі дзверы ў кватэры. Яна там не жыве ўжо 4 гады8

Ці дазволіць Польшча Трампу прадаць Украіну?10

«Я нешта націснуў — і ў мяне мінус 20 рублёў!» Беларусы расказалі, як неспадзявана можна згубіць грошы з балансу тэлефона

Пад Мінскам пабудавалі дом з ложкам, які выязджае на вуліцу ФОТА5

больш чытаных навін
больш лайканых навін

Сын Пяткевіч вярнуўся з ЗША, каб заняцца кансультацыямі па крыптавалюце. І заадно падпрацаваць стажорам у БДУ3

Сын Пяткевіч вярнуўся з ЗША, каб заняцца кансультацыямі па крыптавалюце. І заадно падпрацаваць стажорам у БДУ

Галоўнае
Усе навіны →

Заўвага:

 

 

 

 

Закрыць Паведаміць