La Repubblica: У НАТА папярэдзілі краіны альянсу аб выхадзе з базы ВМФ РФ падводнай лодкі, якая нясе «зброю Суднага дня»
Разведка НАТА разаслала саюзнікам справаздачу аб перамяшчэннях падлодкі «Белгарад». Як піша італьянская газета La Repubblica, разведка асцерагаецца, што з атамнай падлодкі можа быць зроблены пуск супертарпеды «Пасейдон», якую называюць «зброяй апакаліпсісу». Тарпеда абсталяваная ядзернай боегалоўкай і здольная выклікаць «радыеактыўнае цунамі», адзначае выданне.
«Пасейдон» — гэта найноўшыя тарпеды магутнасцю ў некалькі мегатон, здольныя выклікаць 500-метровыя радыеактыўныя цунамі, якія зробяць участкі ўзбярэжжа непрыдатнымі для жыцця на дзесяцігоддзі. Выданне піша, што тарпеды «Пасейдон» могуць знішчыць такія гарады як Нью-Ёрк або Лос-Анджэлес.
На борце «Белгарада» — да васьмі такіх ракет. Лічыцца, што ад іх не існуе эфектыўнай абароны. Таму іх называюць «зброяй Суднага дня».
La Repubblica піша, што створаныя ЗША сістэмы з інфрачырвонымі датчыкамі для адсочвання ракетных пускаў у выпадку з «Пасейдонам» апынуцца бескарыснымі, паколькі «супертарпеда» спраектаваная так, каб выпраменьваць вельмі мала цяпла. Яна бясшумна рухаецца з хуткасцю больш за 100 км/г, адзначае La Repubblica.
Пра ядзерныя тарпеды «Пасейдон» стала вядома пасля таго, як у 2015 годзе на расійскім тэлебачанні была «выпадкова» паказаная старонка прэзентацыі праекта, які тады яшчэ насіў назву «Статус-6».
Аднак, як высветлілі спецслужбы ЗША, «уцечка» была наўмыснай. На думку амерыканскіх чыноўнікаў, паказ ядзернай тарпеды быў часткай плана, накіраванага на тое, каб адгаварыць ЗША ад разгортвання супрацьракетнай абароны ў Еўропе.
ТАСС пісаў, што «Пасейдон» можа несці ядзерную баявую частку магутнасцю да 2 мегатон. Гэта ў 100 разоў больш, чым у бомбы, скінутай на Хірасіму, і ў 10 разоў больш, чым у апошняй версіі ядзернай бомбы B61, распрацаванай у ЗША.
«Пасейдон» любяць выкарыстоўваць расійскія прапагандысты для пагроз Захаду. Так, 1 мая 2022 года Дзмітрый Кісялёў прыгразіў знішчэннем Брытаніі.
-
Вядучая Бі-бі-сі выпадкова адправіла пытанні Борысу Джонсану перад інтэрв'ю. Інтэрв'ю прыйшлося адмяніць
-
На поўдні Бейрута прагрымелі магутныя выбухі. Мэтай удараў мог быць брат забітага лідара «Хезбалы»
-
Ганец з Ірана ехаў папярэдзіць Насралу, што Ізраіль збіраецца таго забіць. Абодва загінулі ў бункеры
Каментары
А всем академикам и нобелевским лауреатам - нет:) куда им до такого светила науки, как Вы!...
Про це йшлося в його коментарі CNN.
"Щоб було зрозуміло, людина, який приймає це рішення... Я маю на увазі, це одна людина. Путіна не перевіряють. Так само, як він прийняв безвідповідальне рішення вторгнутися в Україну, він міг прийняти інше рішення. Але зараз я не бачу нічого, що змусило б мене повірити, що він прийняв таке рішення (щодо застосування ядерної зброї – УНІАН)", – сказав Остін.США раніше пообіцяли рішучу відповідь, якщо Росія піде на застосування ядерної зброї.
Представники адміністрації Байдена заявляли, що вони більш детально виклали потенційні наслідки для Кремля в приватному порядку. Остін заявив, що передав занепокоєння США міністру оборони Росії Сергію Шойгу.
"Особисто я не спілкувався з Шойгу в останні дні, але я спілкувався з ним раніше. Я звернувся саме до цієї проблеми і попередив не йти цим шляхом і не поводитися так безвідповідально", – продовжив Остін.