Верка Сярдзючка прадае Rolls-Royce Фрэдзі Мэрк'юры на аўкцыёне «Сотбіс»
Украінскі артыст Андрэй Данілка, больш вядомы пад сцэнічным псеўданімам Верка Сярдзючка, выставіў на самым вядомым аўкцыёне свету «Сотбіс» унікальны лот — Rolls-Royce Silver Shadow 1974 года выпуску, на якім да апошніх дзён жыцця ездзіў Фрэдзі Мэрк'юры. Усю суму ад продажу Данілка ахвяруе на будаўніцтва рэабілітацыйнага цэнтра ва Украіне.
Аўто стане асабістым укладам артыста ў стварэнне сучаснага цэнтра рэабілітацыі і пратэзавання і цэнтральным лотам на самым грандыёзным аўкцыёне «Сотбіс» за ўсю гісторыю.
Па словах Андрэя Данілкі, калі ён некалі купляў гэты знакавы аўтамабіль, то хацеў ці падарыць яго музею Queen ці зрабіць часткай вялікай экспазіцыі ва Украіне. Але цяпер, у складаны для ўкраінскага народа час, вырашыў, што серабрысты «Ролс-Ройс» стане інвестыцыяй у будучыню краіны.
Аўкцыённы дом таксама праяўляе добрую волю і не бярэ з продажу свайго працэнту, як гэта бывае звычайна. Усе 100 % будуць пералічаныя на дабрачынную мэту.
Першы сучасны рэабілітацыйны цэнтр ва Украіне Superhumans пачне працу ўжо ў пачатку 2023 года. Для будаўніцтва каманда Superhumans прыцягвае падтрымку дабрачынцаў з усяго свету. Праект раней ужо падтрымалі такія вядомыя асобы, як спявак Стынг і ягоная жонка Трудзі, брытанскі бізнэсмен Рычард Брэнсан, першая ледзі Украіны Алена Зеленская, амерыканскі акцёр Ліеў Шрайбер.
Таргі на аўкцыёне, на якія выстаўленая легендарная машына, адбудуцца ў Лондане 5 лістапада.
«На роздум далі паўгадзіны». Настаўніцы з Полацка давялося звольніцца з-за тыкток-блога2
Каментары