Саша Аўдзевіч — аб пратэсце вазочнікаў супраць Лукашэнкі, пра Ціханоўскую, сэкс пасля трагедыі і жыццё з каханай у палатцы
Саша Аўдзевіч — без сумневаў, самы вядомы вазочнік Беларусі, стваральнік кавярняў «Інклюзіўны барыста». У 2011 годзе, калі яму было 26 гадоў, ён разбіўся на спартыўным байку і з таго часу не можа хадзіць.
Але гэта не перашкодзіла яму зладзіць некалькі падарожжаў па свеце на ровары, апошняе з якіх завяршылася сёлета, калі ў Парыжы трапіў у лякарню. Выбраўшыся з бальнічнай койкі, у самым рамантычным горадзе свету Саша зрабіў прапанову сваёй дзяўчыне Таццяне — і пачуў у адказ «так».
Цяпер Саша асеў у Варшаве. Вяртацца на радзіму для яго небяспечна: і праз тое, што не раз засвяціўся на пратэстах, і праз тролінг уладаў, і проста праз пазіцыю.
У нашай размове «Ток» Саша гранічна шчыры. Ён распавядае пра тое, як ламае чалавека трагедыя і як з’яўляюцца сілы жыць далей, як мяняцца самому і мяняць наваколле, тварыць. Гаворыць пра родную Ліду і чаму падколвае мясцовага мэра. Распавядае аб пратэстах 2020-га і самай смелай акцыі. Тлумачыць, чаму супраць Лукашэнкі, і згадвае сустрэчу з Ціханоўскай. Расказвае, як выжыць з дзяўчынай у палатцы на Тэнерыфе, і што для яго сёння сэкс. Адказвае на абвінавачванне ў харасменце. Апісвае прыгоды падарожжа, у якім часам даводзілася начаваць у замку, а часам — стаяць на ўзбочыне дарогі з прабітымі коламі і прасіць дапамогі.
00:00 — што ў выпуску
00:45 — неверагодная ўдача з гатэлем на выспе Лос-Крысціянас
04:25 — пра ноч у сапраўдным замку
06:27 — як выратавалі выпадковыя людзі ў Турцыі
12:13 — як трапіў у бальніцу ў Францыі
17:14 — чаму вазочнікаў не хвалююць праблемы безбар’ернага асяроддзя
19:43 — як прадаваў бясплатную каву ў Беларусі і колькі плаціў супрацоўнікам
26:03 — як пераапранаўся ў міліцыянта і троліў улады
31:32 — пра план ехаць ва Украіну на вайну
34:51 — пра стаўленне да расейцаў на Канарах
37:04 — пра суперакцыю вазочнікаў на пратэстах 2020-га
40:31 — калі стала цікавая беларуская палітыка
41:37 — чаму супраць Лукашэнкі
43:09 — пра сустрэчу з Ціханоўскай
45:36 — пра канфлікт з мэрам Ліды Сяргеем Ложачкіным
51:31 — за што любіць Ліду і як збудаваў там інклюзіўны пляж
55:08 — пра выпадковую сустрэчу з міністаркай культуры Францыі ў Парыжы
56:28 — як першы раз сеў на байк
57:59 — пра стасункі з бацькам
1:02:46 — як трапіў у аварыю, пасля якой не можа хадзіць
1:07:15 — як перажыў трагедыю і вярнуўся да жыцця
1:17:01 — пра алкавечарынкі
1:19:16 — калі стаў гатовы да новага кахання
1:21:08 — пра сэкс да і пасля аварыі
1:24:03 — як абвінавацілі ў харасменце
1:27:45 — як жыў з нявестай Таняй у палатцы
1:34:09 — як рабіў прапанову ў Парыжы
1:37:49 — пра магію кавы, якую варыць сам
«Наша Нiва» — бастыён беларушчыны
ПАДТРЫМАЦЬЦяпер чытаюць
Колькасць судоў па палітычных крыміналках зменшылася ў разы24
Каментары