У парламент паступіў законапраект «Аб змяненні кодэксаў па пытаннях адміністрацыйнай адказнасці». Яго тэкст апублікаваны на pravo.by.
Калі законапраект будзе прыняты, то ў артыкул 13.2 Кодэкса аб адміністрацыйных правапарушэннях «Парушэнне ўстаноўленага парадку ўстанаўлення (фарміравання) і (або) прымянення цэн (тарыфаў)» дададуць новы пункт.
«4. Неадзначаныя ў таварна-транспартнай накладной або таварнай накладной звесткі, звязаныя з устанаўленнем цэн на тавары, у дачыненні да якіх ажыццяўляецца дзяржаўнае рэгуляванне цэн, а таксама ўказанне ў такіх дакументах недакладных звестак, звязаных з вызначэннем цэн на названыя тавары, — цягнуць з сабой накладанне штрафу ў памеры да 20 базавых велічынь, а на індывідуальнага прадпрымальніка або юрыдычную асобу — у памеры да 10% сумы грашовай ацэнкі гаспадарчай аперацыі, названай у гэтых дакументах».
У новай рэдакцыі штрафы па артыкуле 13.2 КаАП прадугледжаны за парушэнні парадку фарміравання цэн з боку ІП ці службовых асоб кампаній, за перавышэнне фіксаваных цэн, цэнавых паталкоў або гранічных надбавак, за продаж пэўных тавараў (аказанне паслуг) без эканамічных разлікаў, якія пацвярджаюць узровень адпускных цэн, ці за парушэнне парадку рэгістрацыі цэн.
Цяпер чытаюць
Хто забараняе ў Беларусі кнігі — вось гэтыя 22 чалавекі32
Хто забараняе ў Беларусі кнігі — вось гэтыя 22 чалавекі
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары