Чарговым гульцом, які пакідае фармацэўтычны рынак краіны, стала кампанія «Фармін». Працэс закрыцця аптова-рознічнага фармацэўтычнага бізнэсу, які калісьці ўваходзіў у першую васьмёрку на рынку, стартаваў у канцы лістапада, паведамляе Office Life.
Паводле інфармацыі крыніц на рынку, прычынай праблем бізнэсу, які яшчэ з сярэдзіны 1990-х развівае Інакенцій Ясноўскі, сталі даўгі перад пастаўшчыкамі і крэдыторамі. У прыватнасці, не так даўно прэтэнзіі да «Фарміна» ў расійскім судзе выставіў вытворца зубной пасты Splat.
Акрамя самога «Фарміна», ліквідуюцца і некаторыя яго даччыныя структуры, якія займаліся развіццём рознічнай сеткі «Любімая аптэка». На піку развіцця ў яе ўваходзіла больш за 100 гандлёвых кропак.
Раней страціла самастойнасць кампанія «Белфарм», яе склады і аптэкі сталі часткай «Вострава здароўя».
Каментары