У Беларусі фізічныя асобы ў 2022 годзе прадалі на $26,3 млн замежнай валюты больш, чым купілі. Пра гэта сведчаць статыстычныя даныя Нацыянальнага банка.
Агульны аб’ём набытай фізічнымі асобамі наяўнай і безнаяўнай замежнай валюты ў 2022 годзе склаў $10,032 млрд, прададзенай — $10,059 млрд, пры гэтым у снежні насельніцтва сфармавала чысты попыт на замежную валюту ў суме $109,6 млн.
Суб’екты гаспадарання — рэзідэнты Беларусі ў 2022 годзе выступалі ў ролі чыстых пакупнікоў замежнай валюты.
Паводле звестак Нацыянальнага банка, прадпрыемствы купілі на $1,328 млрд валюты ў эквіваленце больш, чым прадалі. Агульны аб’ём набытай юрыдычнымі асобамі замежнай валюты летась склаў $27,707 млрд, прададзенай — $26,379 млрд.
За снежань купля юрыдычнымі асобамі замежнай валюты перавысіла яе продаж на $400,9 млн.
Цяпер чытаюць
Блогер Сярога з Расіі прыехаў на Зыбіцкую з каханай блогеркай Анечкай. Вынік: збіты ім беларус у коме, а Сярога на 5,5 года за кратамі26
Каментары