Нямецкі канцэрн Rheinmetall гатовы беспрэцэдэнтна нарасціць вытворчасць зброі
Гаворка ідзе пра танкавыя і артылерыйскія боепрыпасы, а таксама ракетныя сістэмы HIMARS, што так добра зарэкамендавалі сябе.
Нямецкі абаронны канцэрн Rheinmetall хоча пачаць выпуск РСЗА HIMARS, а таксама мае рэзка нарасціць вытворчасць боепрыпасаў для танкаў і артылерыі дзеля задавальнення высокага попыту Украіны і краін Захаду. Пра гэта 28 студзеня паведаміла агенцтва Reuters.
Сам канцэрн вядомы вытворчасцю 120-мм гармат для танкаў Leopard 2, якія Германія і іншыя краіны Захаду пагадзіліся перадаць Украіне для вяртання тэрыторый, захопленых Расіяй.
Па словах генеральнага дырэктара Rheinmetall Арміна Папергера, вытворчая магутнасць вырабу 155-мм артылерыйскіх снарадаў можа быць павялічана да 450—500 тысяч штук за год, што зробіць канцэрн найбуйнейшым у свеце па вытворчасці такога тыпу боепрыпасаў. Такая ж гаворка ідзе і пра 120-мм танкавыя снарады.
«Мы можам вырабляць 240 тысяч танкавых боепрыпасаў у год. Гэта больш, чым трэба ўсяму свету», — сказаў Папергер у інтэрв'ю Reuters.
Таксама ён дадаў, што Rheinmetall плануе дамовіцца з амерыканскай кампаніяй Lockheed Martin для пачатку вытворчасці знакамітых HIMARS, бо Нямеччына валодае ўсімі неабходнымі тэхналогіямі для стварэння боегаловак, ракетных рухавікоў і грузавікоў пад гэтыя рэактыўныя сістэмы.
Нагадаем, што яшчэ летам 2022 года Украіна атрымала ад ЗША першыя рэактыўныя сістэмы залпавага агню HIMARS. Гэтыя дальнабойныя і дакладныя сістэмы дапамаглі Украіне істотна затармазіць наступ расійскай арміі шляхам кропкавага знішчэння яе штабоў і складоў боепрыпасаў.
Чытайце яшчэ:
Аўстралійскі генерал: HIMARS памяняў характар баёў, але адзін ён не справіцца
Украіна папрасіла Захад тэрмінова даць дзве эскадрыллі знішчальнікаў
Bloomberg: Пуцін рыхтуе новы наступ на Украіну, вайна можа зацягнуцца на гады
Цяпер чытаюць
Слесар з Оршы бегаў ад войска на радзіме, каб пасля памерці за Пуціна. Перад адпраўкай на забой для яго закацілі дыскатэку з афрыканцамі21
Слесар з Оршы бегаў ад войска на радзіме, каб пасля памерці за Пуціна. Перад адпраўкай на забой для яго закацілі дыскатэку з афрыканцамі
Пасол Украіны па пытаннях Беларусі адказаў на дыскусію Вячоркі і крытыкаў Ціханоўскай: Ваша ўзаемная непрымальнасць адыгрывае вельмі неканструктыўную ролю4949
Каментары