Прэзідэнт Літвы: Літоўскія кампаніі, у дварах якіх лунаюць украінскія сцягі, могуць адначасова дапамагаць Лукашэнку
Пасля таго, як СМІ высветлілі, што карбамід «Гродна Азота», які знаходзіцца пад санкцыямі, нелегальна перавозяць праз Літву, прэзідэнт Літвы Гітанас Наўседа заявіў, што мае інфармацыю аб крывадушнасці некаторых літоўскіх кампаній, паведамляе LRT.
«Лепш за ўсё санкцыянаваць тавары. Калі б мы санкцыянавалі тавары і не рабілі ніякіх агаворак, то думаю, што кантрольныя органы змаглі б значна больш эфектыўна выконваць сваю працу.
Цяпер часам па розных прычынах, у тым ліку і таму, што мы гэтыя санкцыі зрабілі вельмі складанымі, са шматлікімі агаворкамі, даволі непаслядоўнымі, гэты сізіфаў камень мусяць каціць кантрольныя органы», — пракаментаваў сітуацыю кіраўнік краіны.
Наўседа таксама паведаміў, што ў яго ёсць інфармацыя, што некаторыя літоўскія кампаніі, у дварах якіх лунаюць украінскія сцягі, у той жа час дапамагаюць рэжыму Лукашэнкі пазбегнуць санкцый.
«Трэба вызначыцца, на якім мы баку — на баку Украіны, на баку праўды ці хлусні і бруду», — сказаў Наўседа.
На мінулым тыдні былі апублікаваныя расследаванні, з якіх вынікала, што «Гродна Азот» стварыў эфектыўныя схемы, якія дазваляюць яму абыходзіць накладзеныя на прадпрыемства санкцыі, і што ў гэтым задзейнічаныя ў тым ліку і літоўскія кампаніі.
Чытайце таксама:
Літоўскія службы расследуюць, хто дапамагае пастаўляць беларускія ўгнаенні ў Еўропу. Затрымалі карбаміду на 2 млн еўра
Літоўская чыгунка затрымала 15 вагонаў з беларускімі ўгнаеннямі
Фірму-пракладку для абыходу санкцый узначальвае старшыня аднаго з выбаркамаў 2020 года — расследаванне
Прадукцыю з падсанкцыйнага «Гродна Азота» везлі ў Сербію. Падрабязнасці акцыі «Рабочага руху»
Герой Беларусі Марына Васілеўская нарадзіла дачку ад касманаўта Алега Навіцкага16
Каментары
Главное втягивать на свет (опубличивать) этих лицемеров и по сути преступников и соучасников режима.