Энтані Блінкен і Сяргей Лаўроў упершыню са студзеня 2022 года сустрэліся асабіста
Кароткая сустрэча адбылася ў кулуарах пасяджэння міністраў замежных спраў G20 у Нью-Дэлі. Гутарка доўжылася каля 10 хвілін.
Дзяржсакратар ЗША падчас кароткага дыялогу на саміце G20 запэўніў кіраўніка МЗС РФ у тым, што Злучаныя Штаты будуць падтрымліваць Украіну «столькі, колькі гэта будзе патрэбна» і заклікаў Расію адмяніць рашэнне аб прыпыненні ўдзелу ў Дамове аб скарачэнні стратэгічных наступальных узбраенняў.
Што адказаў Блінкену Лаўроў, крыніцы заходніх выданняў не ўдакладнілі, зазначыўшы, што дзяржсакратар ЗША па-ранейшаму не бачыць перспектыў таго, што палітыка Расіі зменіцца ў найбліжэйшы час.
У апошні раз Энтані Блінкен і Сяргей Лаўроў асабіста сустракаліся на перамовах у Жэневе 21 студзеня 2022 года, за месяц да пачатку поўнамаштабнага расійскага ўварвання ва Украіну.
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»1313
Каментары