Правааабаронцы даведаліся некаторыя падрабязнасці сённяшняга хапуна ў Дзяржынску. Паводле іх, у сілавікоў быў спіс на прыкладна 30 чалавек — у гэтых людзей сёння і павінны былі адбыцца ператрусы.
Большасць людзей пасля ператрусаў адпускаюць, аднак вядома, што як мінімум двое дагэтуль знаходзяцца ў РАУС, піша «Вясна».
«Працаваў САХР і АМАП. Пастанова выпісаная з нагоды «ўстаноўкі выбуховага прыстасавання на трасе ў раёне Петкавіч». Ператрусаў шмат, затрымліваюць не ўсіх: праводзяць ператрус, спампоўваюць інфармацыю з тэлефона, многіх адпускаюць, нават нічога не вымаючы. Аднаго чалавека выводзілі з дому з пакетам на галаве і ў кайданках. Многіх правяраюць, таму што яны трапілі на камеры відэаназірання на ўездзе ў Дзяржынск. Пытаюцца, навошта і куды ездзіў», — расказалі інфарматары.
Прозвішчы затрыманых удакладняюцца.
Вядома таксама, што сёння ўвечары дзяржынскія ўчастковыя хадзілі па людзях таксама па нейкім спісе і праглядалі ў іх тэлефоны.
Цяпер чытаюць
Чым цяпер займаюцца дзяўчаты, якіх летась назвалі самымі прыгожымі ў Беларусі?9
Чым цяпер займаюцца дзяўчаты, якіх летась назвалі самымі прыгожымі ў Беларусі?
Містычнае кола Вільні: Каліноўскі быў пахаваны з медальёнам святыні, каля якой вырас гатычны палац доктара з-пад Оршы. Цяпер парэшткі Каліноўскага перапахавалі ў магільні таго ж доктара2121
Каментары