У нямецкім курортным горадзе Бад-Кройцнах выставілі лялек у нацыянальных касцюмах розных краін з прыватнай калекцыі Веранікі Гугенхаймер — ураджэнкі Беларусі, якая пражывае ў Германіі. Пра гэта піша belmir.by са спасылкай на выданне Allgemeine Zeitung.
Лялькі экспануюцца ў вітрыне былой царкоўнай крамы на вуліцы Курхаус-штрасэ. Яны апранутыя ў нацыянальныя касцюмы розных краін Еўропы, рэгіёнаў Германіі, а таксама, напрыклад, Японіі, Тайланда, Камбоджы, Аляскі.
Як распавядае газета, Вераніка ўжо шмат гадоў збірае лялек. Яны зробленыя з самых розных матэрыялаў: фарфору, тканіны, дрэва, гліны і нават саломы. Цяпер у калекцыі беларускі налічваецца каля 80 экзэмпляраў.
Журналісты з гумарам раяць сваім чытачам «добранька распляскаць свае насы», каб як след разгледзець лялек за шклом.
Хочаце жыць доўга — шукайце раён з нармальнымі дрэвамі. Навукоўцы высветлілі, што дрэвы ратуюць ад інфарктаў, а газоны могуць нават нашкодзіць здароўю22
Каментары