За паўтара года беларусаў, якія працуюць у Польшчы, стала болей амаль у два разы
Як паказвае статыстыка, цікавасць да працы ў Польшчы з боку беларусаў працягвае расці. Толькі за апошнія паўгода, там дадалося 17,5 тысячы афіцыйна працаўладкаваных грамадзян Беларусі. Па дынаміцы прыросту беларусы займаюць першае месца.
Попыт на працу з боку беларусаў расце
Па стане на сакавік 2023 года, у Польшчы афіцыйна працуе каля 116 тысяч грамадзян Беларусі. Такія даныя прыводзіць польскі ZUS (аналаг беларускага ФСАН). Яшчэ паўгода таму ў Польшчы афіцыйна працавала крыху менш за 100 тысяч грамадзян Беларусі. А па стане на канец 2021 года такіх было ўсяго 67,7 тысячы.
Агулам за паўгода лічба працаўладкаваных у Польшчы іншаземцаў вырасла больш чым на 28 тысяч, з якіх 17,5 тысячы мелі беларускае грамадзянства. З гэтых даных вынікае, што прырост колькасці замежных грамадзян, якія працуюць у Польшчы, у першую чаргу адбываецца за кошт беларусаў.
Саступаем толькі ўкраінцам, але…
Па стане на сакавік бягучага года у польскім ZUS было зарэгістравана 1 073 366 працуючых іншаземцаў. Беларусы ў гэтым спісе займаюць другое месца, саступаючы толькі грамадзянам Украіны, якія скаладаюць 69% ад агульнай колькасці афіцыйна працаўладкаваных замежнікаў.
Пры гэтым, як паказве статыстыка, колькасць украінцаў, якія працуюць у Польшчы, застаецца стабільнай і нават крыху скарачаецца. Калі ў верасні 2022 года ў Польшчы працавалі 744,4 тысячы ўкраінцаў, то ў сакавіку 2023-га іх лічба скарацілася да 741,9 тысячы.
Беларусы едуць у Польшчу не толькі на заробкі, але і на ПМЖ
Аб тым, што нашы грамадзяне актыўна з'язджаюць у Польшчу не толькі на заробкі, сведчыць і іншая статыстыка. Так, напрыклад, па выніках мінулага года беларусы занялі трэцяе месца сярод іншаземцаў, якія набылі нерухомасць у Польшчы. У гэтым рэйтынгу мы саступілі толькі ўкраінцам і немцам.
Агулам за 10 месяцаў мінулага года замежнікі набылі ў Польшчы 9900 кватэр. З іх 4275 — грамадзяне Украіны, 1118 — грамадзяне Германіі і 889 кватэр набылі беларусы. Цікава, што на чацвёртым месцы сярод замежных пакупнікоў нерухомасці ў Польшчы аказаліся расіяне. Грамадзяне РФ летась купілі там 276 кватэр.
«Наша Нiва» — бастыён беларушчыны
ПАДТРЫМАЦЬАд 4 да 14 еўра за гадзіну на рукі. Якую працу прапануюць беларусам у ЕС
Летась беларусы ў Польшчы адкрылі амаль у 4 разы больш фірм, чым у 2020-м. Чым там займаюцца беларускія бізнэсоўцы
Каментары