У Адзіны рэестр дамоў, якія пустуюць, уключана 6,6 тыс. аб'ектаў па ўсёй Беларусі. Такія звесткі прыводзіць навукова-практычны часопіс «Зямля Беларусі».
На продаж пры гэтым пакуль прапануецца толькі 119 дамоў: 22 будынкі знойдуць гаспадароў праз аўкцыён, а 97 — без правядзення аўкцыёну.
Таксама ў спісе ёсць дамы, якія гатовыя прадаць за адну базавую велічыню, гэта значыць за 37 рублёў.
Уладальнікаў або спадчыннікаў 299 дамоў працягваюць шукаць. Акрамя таго, 67 будынкаў улады паставілі на ўлік — хаты павінны прывесці ў належны стан.
Рэестр дамоў, якія пустуюць, створаны дзяржаўнымі органамі ў пачатку гэтага года для выяўлення, уліку і скарачэння колькасці такіх будынкаў. Атрымаць інфармацыю з рэестра можа кожны ахвотны. Пры гэтым можна ўдакладніць характарыстыкі дома, месцазнаходжанне, стан, узрост.
Азнаёміцца з Адзіным рэестрам пустуючых дамоў можна на сайце eri2.nca.by, для гэтага пры аўтарызацыі трэба выбраць укладку «Увайсці як госць». Далей па фільтры можна пазначыць актуальныя параметры аб'ектаў.
«З чаго пачаць? Пачніце са шпалераў». Як найбольш ашчадна аднавіць купленую вясковую хату
«Тут такія прыгожыя кветнікі, а не гэтыя сумныя газоны з туямі». Лецішчы ў старых садовых таварыствах маюць свае перавагі
«Я магла б яшчэ вышыць. Толькі б знаць, ці нада гэта каму». Як жывуць апошнія жыхаркі апусцелых вёсак
Цяпер чытаюць
Няздольны перамагчы, а кіруе. Пра каго загадка, дзеткі?12
Каментары