Узровень вады ў Кахоўскім вадасховішчы на Дняпры падняўся да 17 метраў, на 1 метр вышэй за норму
Пра тое, што ўзровень вады ў Кахоўскім вадасховішчы ў Запарожскай вобласці падняўся да 17 м і амаль дасягнуў крытычнай адзнакі, пішуць расійскія СМІ і «ваенкары».
Гэтая сітуацыя прадстаўляецца як свядомыя дзеянні ўкраінскіх уладаў, бо, маўляў, Кіеў адмыслова адкрыў шлюзы ў Дняпры і ў Запарожжы.
На Кахоўскай ГЭС, якая знаходзіцца пад кантролем расійскіх акупантаў, рэгуляванне ўзроўню вады ўскладненае тым, што некаторыя шлюзы выведзеныя з ладу ў выніку абстрэлаў. А іншыя патрабуюць рамонту, які немагчыма правесці.
Пад пагрозай разбурэння, б'юць трывогу расіяне, дамбы ў Каменцы-Дняпроўскай, могуць быць падтопленыя прыбярэжныя паселішчы.
Калі гэта праўда, то гэтыя дзеянні могуць быць звязаныя з падрыхтоўкай УСУ да контрнаступлення на гэтым кірунку.
Расійскія ваенкары наракаюць на тое, што Украіна адмыслова спускае ваду з Дняпра і прытокаў, каб змыць расійскія ўмацаванні і мінныя загароджанні на левым беразе Дняпра.
Цяпер чытаюць
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх2020
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх20
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары