Вучоныя: сучасныя людзі атрымалі вялікія насы ў спадчыну ад неандэртальцаў
Некаторыя гены, адказныя за даўжыню носа ў сучасных Homo sapiens, прысутнічалі і ў неандэртальцаў. Ім вялікі нос быў патрэбны для атрымання большага аб'ёму паветра і яго награвання ва ўмовах вялікай затраты энергіі ў неспрыяльных кліматычных умовах.
Пра гэта гавораць вынікі новага даследавання навукоўцаў Даследчага аддзела генетыкі, эвалюцыі і навакольнага асяроддзя UCL (Універсітэцкага каледжа Лондана), апублікаваныя ў часопісе Communication Biology.
Па словах аднаго з аўтараў, доктара Каўстубха Адхікары (Kaustubh Adhikari),
«За апошнія 15 гадоў, пасля секвенавання генома неандэртальца, мы змаглі даведацца, што нашы ўласныя продкі, відаць, скрыжоўваліся з неандэртальцамі, пакінуўшы нам невялікія кавалачкі іх ДНК».
У даследаванні былі выкарыстаныя даныя больш чым 6000 добраахвотнікаў з Бразіліі, Калумбіі, Чылі, Мексікі і Перу змяшанага еўрапейскага, індзейскага і афрыканскага паходжання. Даследчыкі параўноўвалі генетычную інфармацыю ўдзельнікаў з фатаграфіямі іх твараў.
У прыватнасці, яны аналізавалі адлегласці паміж пэўнымі пунктамі на твары, такімі як кончык носа або край вуснаў, каб высветліць, якія фенатыпічныя рысы твару звязаныя з наяўнасцю пэўных генетычных маркераў.
У выніку даследавання навукоўцы выявілі 33 вобласці геному, звязаныя з формай твару, 26 з якіх яны змаглі паўтарыць, правёўшы параўнанне з генетычнымі данымі ўдзельнікаў даследавання.
У адным канкрэтным участку геному, які мае назву ATF3, даследчыкі выявілі, што ў многіх людзей з індзейскімі каранямі ў іх даследаванні (а таксама ў тых, хто мае ўсходнеазіяцкія карані з іншай групы), ёсць генетычны матэрыял, атрыманы ў спадчыну ад неандэртальцаў, які спрыяў павелічэнню вышыні носа.
Яны таксама выявілі, што гэты генетычны ўчастак мае прыкметы натуральнага адбору. Гэта значыць, што ў выніку барацьбы за выжыванне ён спрыяў выжыванню, таму прырода яго адабрала для таго, каб перадаваць у спадчыну.
Як тлумачыць іншы аўтар даследавання, доктар Цын Лі (Qing Li):
«Даўно выказваліся здагадкі, што форма нашых насоў вызначаецца натуральным адборам. Паколькі нашы насы могуць дапамагчы нам рэгуляваць тэмпературу і вільготнасць паветра, якім мы дыхаем, насы рознай формы могуць лепш адпавядаць розным кліматам, у якіх жылі нашы продкі. Ген, які мы ідэнтыфікавалі, магчыма, быў атрыманы ў спадчыну ад неандэртальцаў, каб дапамагчы людзям адаптавацца да больш халоднага клімату, калі нашы продкі перасяліліся з Афрыкі»
Гэтае даследаванне стала другім па ліку, у якім даказана, што на форму нашага твару ўплываюць не толькі гены сучаснага Homo sapiens, але і архаічных людзей. Вучоныя згадваюць, што ў 2021 годзе было даказана, што сучасныя людзі атрымалі генетычны матэрыял ад дзянісаўцаў. Ён уплывае на форму нашых вуснаў.
Чытайце яшчэ:
Археолагі знайшлі сведчанне кантактаў Homo sapiens з неандэртальцамі
-
Інжынер з Anthropic звольніўся, каб папярэдзіць, што ШІ вось-вось можа выйсці з-пад кантролю
-
ШІ-генерацыю ў відэагульнях крытыкавалі, а цяпер захапляюцца. Злітая тэхналогія ад NVIDIA ператварае старыя гульні ў сапраўдны кінематограф
-
У Расіі для Android зрабілі незвычайную клавіятуру— яна адразу паказвае тэрмін за каментар, што вы напісалі
Пасадзілі адваката Дзмітрыя Лаеўскага, які абараняў Бабарыку і Знака10
Пасадзілі адваката Дзмітрыя Лаеўскага, які абараняў Бабарыку і Знака
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам5151
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам51
«У сына на тэлефоне былі налепленыя сцяг і герб Расіі. З гэтага ўсё пачалося». Бацька школьніка з Баранавіч расказаў, як яго сына цкавалі аднакласнікі4646
Каментары
значыць радня. Тыя ж навукоўцы даводзяць, што ўсе пайшлі ад адной маці, і прамыя, і крывыя. Ізноў атрымліваецца, што радня. Чаго гарод гарадзіць, ды рашаць, у каго чый нос. Хіба ім за гэта плоцяць ? Хай справамі зоймуцца, а не імітуюць бурлівую дзейнасьць ні пра што !