На беларускіх метэастанцыях шэсць начэй запар фіксаваліся тэмпературныя рэкорды
Тэлеграм-канал «Позірк» правёў аналіз звестак Белгідрамета і заўважыў, што дзе-нідзе па Беларусі гэтымі днямі абнавіліся рэкорды холаду для гэтага часу, прытым некаторыя раней трымаліся дзесяцігоддзямі і нават стагоддзямі.
У Васілевічах Гомельскай вобласці пабіты рэкорд холаду, зафіксаваны 123 гады таму (-1,4 супраць -1,1 градуса 11 мая 1900 года).
У Жыткавічах абноўлены рэкорд холаду, зарэгістраваны ў 1974 годзе (-1,7 супраць -1,1).
Пабіты рэкорд і ў Бабруйску, праўда, не такі даўні — 1,4 градуса ніжэй за нуль (-1,2 у 2017 годзе).
У той жа час абсалютны антырэкорд для ўсёй тэрыторыі краіны выстаяў (-4,5 градуса 11 мая 2017 года ў Верхнядзвінску).
Цяпер чытаюць
«Паша, я табе не веру». Севярынец расказаў, як выпадковая дзяўчына матывавала яго назаўсёды перайсці на беларускую мову3
Каментары