12 мая супрацоўнікі Службы аховы дзяржмяжы Літвы (САДЛ) падзяліліся відэа і пажартавалі, што знята патруляванне памочніка, піша Delfi.
Служба паведаміла, што буры мядзведзь з'явіўся ў Шальчынінскім раёне і некалькі кіламетраў ішоў уздоўж мяжы.
«Нядаўна быў прыняты закон аб заснаванні інстытута памочнікаў САДЛ. Мы рыхтуемся да кастынгу і набору такіх памочнікаў. Аднак першы такі памочнік ужо патруляваў у Шальчынінскім раёне, у Дзевянішскай пятлі, пры гэтым памежнікаў аб сваёй дзейнасці загадзя не інфармаваў. Уздоўж фізічнага бар'ера на мяжы з Беларуссю ён прайшоў амаль 3 км і праверыў сітуацыю каля вёсак Курмеленай і Янкунай. Парушэнняў на гэтым участку памочнік не знайшоў, нікога не затрымаў», — пажартавалі супрацоўнікі Службы аховы дзяржмяжы Літвы.
Мяркуецца, што ў Літве бурыя мядзведзі не жывуць, часам прыходзяць з Латвіі і з Беларусі. Праўда, апошнім часам ёсць інфармацыя пра тое, быццам адзін мядзведзь зімаваў у Літве. Калі вы сустрэлі бурага мядзведзя — не панікуйце і спакойна сыходзьце, папярэджваюць спецыялісты.
-
Адзін з пілотаў спрабаваў накіраваць самалёт у зямлю, другі перашкодзіў гэтаму. Драматычныя падзеі на борце з Дубая ў Тэль-Авіў
-
Расійскія спецслужбы рыхтавалі забойствы Каспарава, Панамарова і іншых апазіцыянераў — El Mundo
-
Пасольства Расіі ў Ірландыі прыгразіла прымяненнем ядзернай зброі ў выпадку блакады Калінінграда
Каментары