Абаронцы Украіны прасунуліся наперад на Бахмуцкім напрамку на адлегласць ад 150 да 1700 метраў за суткі, знішчыўшы ў баях 130 акупантаў і ўзяўшы чатырох палонных. Пра гэта заявіў спікер Усходняй групоўкі УСУ Сяргей Чараваты ў эфіры тэлемарафону 18 мая, піша «Украінская праўда».
«Бахмут застаецца эпіцэнтрам баявых дзеянняў на ўсходзе Украіны… У ходзе баёў нашы падраздзяленні, нягледзячы на тое, што няма цяпер перавагі ў асабовым складзе, снарадах і тэхніцы, працягваюць прасоўвацца на флангах. Адлегласць за суткі ад 150 да 1700 м удалося нам прайсці».
Ён дадаў, што акупанты вымушаныя бегчы, калі «ім добра насыпаюць».
У той жа час Чараваты адзначыў, што праціўнік усё ж спрабуе ўзяць амаль цалкам знішчаны ім жа Бахмут.
У прыватнасці, расіяне 487 разоў ударылі са ствольнай і рэактыўнай артылерыі па ўкраінскіх пазіцыях. Таксама адбылося 25 баявых сутыкненняў, 6 авіяналётаў.
Абаронцы ў баях знішчылі 130 акупантаў і 4 узялі ў палон. Яшчэ 145 захопнікаў атрымалі раненні.
Цяпер чытаюць
Лукашэнка нервова пракаментаваў візіт Ціханоўскай у Кіеў25
Каментары