З'явілася відэа з абвінавачаным у атацы на расійскі самалёт у Мачулішчах
Расійскія прапагандысты апублікавалі зварот грамадзяніна Украіны Мікалая Швяца, якога абвінавацілі ў атацы на самалёт у Мачулішчах. У звароце Швец на ўкраінскай мове апелюе да Уладзіміра Зяленскага. Відавочна, што без беларускай улады гэты зварот не мог з'явіцца.
На відэазапісе Мікалай Швец кажа, што гэта ён пашкодзіў расійскі самалёт у Мачулішчах, што знаходзіцца ў СІЗА КДБ і што ніхто з украінскіх дыпламатаў яго не наведваў, ніхто ім не цікавіцца.
«Цяпер мне пагражае смяротнае пакаранне. Для беларусаў я тэрарыст. З 4 сакавіка я знаходжуся ў СІЗА КДБ Рэспублікі Беларусь. За гэты час ніхто мной не цікавіўся, ніхто са мной не выходзіў на сувязь. З гэтага я раблю выснову, што ўлада ад мяне адмовілася», — кажа Мікалай.
Выглядае, што Швец чытае напісаны тэкст: ён пераводзіць вочы ўніз, робіць паўзы, збіваецца, гаворыць без энтузіязму.
Швец заклікаў Уладзіміра Зяленскага зрабіць усё, каб яго вызваліць.
26 лютага ў Мачулішчах у выніку атакі дрона быў пашкоджаны расійскі ваенны самалёт далёкага радыёлакацыйнага выяўлення і кіравання (ДРЛА) А-50. Адказнасць за атаку ўзяў на сябе «Байпол». На пачатку сакавіка па гэтай справе былі затрыманыя дзясяткі чалавек, у тым ліку Мікалай Швец.
Хто такі «Якуцік»? КДБ затрымлівае стралкоў і адпраўляе іх на паліграф, паказваючы фота аднаго чалавека
Стралок, спартовец з райцэнтра, праграміст. Даведаліся больш пра некаторых абвінавачваных у «тэрактах»
Адзін з мужчын, якіх прапаганда назвала арганізатарамі дыверсіі ў Мачулішчах, — прыяцель сына Абельскай і даносчык
«Гэта пытанне часу, але трэба саспець». Пуцін загаварыў пра адзіны парламент і валюту Беларусі і Расіі7
«Гэта пытанне часу, але трэба саспець». Пуцін загаварыў пра адзіны парламент і валюту Беларусі і Расіі
Беларускія бізнэсмены спешна прадаюць долі ў сваіх польскіх транспартных кампаніях. Што адбываецца?2
Каментары