На кіраўніка «Беларускага дома ў Варшаве» завялі ў Беларусі тры крымінальныя справы
Кіраўнік «Беларускага дома ў Варшаве» Алесь Зарэмбюк паведаміў, што 21 чэрвеня па месцы яго жыхарства і рэгістрацыі ў Мастах на Гродзеншчыне прайшлі два ператрусы.
Алесь Зарэмбюк
«Сёння па месцы майго жыхарства і прапіскі ў Мастах прайшлі два ператрусы. Прадстаўнікі Следчага камітэта з Гродна дапыталі тату, цяпер дапытваюць у царкве маму (мама — настаўніца, вядзе ў царкве заняткі з дзецьмі). Супраць мяне распачалі тры крымінальныя справы», — напісаў Алесь Зарэмбюк у фэйсбуку.
Алесь Зарэмбюк стаў палітэмігрантам яшчэ ў 2010 годзе. У Беларусі ён быў грамадскім актывістам, КДБ завёў на яго крымінальную справу пасля ўдзелу ў мясцовых выбарах. Алесь выехаў спачатку ва Украіну, а адтуль пераехаў у Польшчу. «Беларускі дом у Варшаве» быў створаны ў 2012 годзе.
Міліцыя выпадкова выклала ўнутраны дакумент з аналізам медыя. Вось каго яны сёння чыталі і якія СМІ лічаць незалежнымі4
Каментары