Пасажыру надакучылі смярдзючыя ногі суседкі. Ён вырашыў праблему арыгінальна
Непрыстойныя паводзіны суседзяў у самалёце — праблема, з якой часта даводзіцца сутыкацца падарожнікам. Як выявілася, не ўсе вытрымліваюць невыносныя манеры іншых на борце. Нядаўна карыстальнік TikTok знайшоў вельмі незвычайны спосаб развязання праблемы.
Спрэчкі пра тое, ці можна здымаць абутак у самалёце, вядуцца даўно. Адны лічаць, што гэта добры спосаб расслабіцца ў падарожжы, іншыя звяртаюць увагу на негігіенічнасць і некультурнасць такіх паводзінаў. У прынцыпе, гэта можа быць прымальна, калі чалавек хаця б трымае ногі на сваім месцы.
Даніэль, карыстальнік TikTok, падзяліўся ў сацыяльнай сетцы сваёй гісторыяй пра нядаўні палёт. Спачатку ўсё было добра, але потым ён заўважыў тое, што яму не спадабалася.
На відэа бачна: пасажырка, якая сядзіць за Даніэлем, прасунула ногі наперад так далёка, што яны разам з абуткам тырчаць з-пад сядзення Даніэля.
Мужчына вырашыў даць ёй зразумець, што такія паводзіны недапушчальныя. Ён узяў бляшанку газіроўкі і… пакрыху пачаў выліваць яе змесціва на шкарпэтку. Хоць спачатку пасажырка ніяк не адрэагавала, пасля чарговай спробы яна, нарэшце, вырашыла прыбраць ногі з прасторы Даніэля.
Зрэшты, гэта не першы выпадак, калі падарожнікі спрабуюць навучыць свайго некультурнага суседа паводзіць сябе прыстойна, як звяртае ўвагу Onet.pl. Раней сёлета жанчыну, якая ляцела рэйсам American Airlines, моцна штурхнулі ў плячо. Яна павярнулася і ўбачыла босыя ногі, якія спачывалі на яе падлакотніку. Калі сітуацыя паўтарылася, пасажырка ўзяла кубік лёду са свайго напою і паклала яго на нагу спадарожніка. Гэты просты жэст неадкладна даў чаканы эфект.
Такія гісторыі могуць стаць сігналам для авіякампаній, каб тыя больш уважліва сачылі за паводзінамі сваіх пасажыраў і накладалі штрафы за незахаванне культуры падарожжаў.
Чытайце яшчэ:
Сям'я веганаў папрасіла суседзяў зачыняць вокны, калі тыя гатуюць мяса
«Калі не ведаеш, што рабіць, — рабі раскол». Найлепшыя твіты тыдня
Цяпер чытаюць
Каго з бізнэсменаў Лукашэнка паклікаў да сябе на нараду? Была і заснавальніца Wildberries9
Каментары
bigpicture.ru/samye-zhutkie-poputchiki-v-samolete-kakix-tolko-mozhno-sebe-predstavit/