Калі вы думалі, што свініна і бульба — гэта выйгрышная камбінацыя, проста пакаштуйце свініну ў спалучэнні з вішняй.
Фота: Getty Images
Для свіных адбіўных з вішнёвым соусам вам спатрэбіцца:
- 4 свіныя адбіўныя, пажадана на костцы, таўшчынёй не менш за 2,5 см
- 1 ст. л. здробненага свежага размарыну
- 1 ч. л. солі, плюс яшчэ трохі для падліўкі
- 1 ч. л. свежазмолатага чорнага перцу, плюс яшчэ трохі для падліўкі
- 1 ч. л. дробна нацёртага часнаку
- 3 ст. лыжкі сметанковага масла
- 1 ст. л. здробненай цыбулі шалот
- 1 шклянка вішань, без хвосцікаў і костачак, разрэзаных напалову
- ½ шклянкі фруктовага чырвонага віна
Як гатаваць:
- Абсушыце адбіўныя і натрыце сумессю размарыну, солі, перцу і часнаку. Накрыйце і пакіньце марынавацца да 2 гадзін пры пакаёвай тэмпературы або на ноч у халадзільніку (у другім выпадку перад гатаваннем зноў давядзіце адбіўныя да пакаёвай тэмпературы).
- Нагрэйце грыль і пастаўце рашотку прыкладна за 10 см ад крыніцы цяпла. Гатуйце адбіўныя на самай гарачай частцы агню, пакуль яны добра не абсмажацца з абодвух бакоў — прыкладна па 3-4 хвіліны з кожнага боку. Потым пасуньце іх у больш прахалодную частку грыля, накрыйце вечкам і смажце да гатоўнасці — ад 1 да 10 хвілін у залежнасці ад сілы агню і таўшчыні адбіўных. Свініна гатовая, калі яна становіцца цвёрдай навобмацак, яе сок злёгку ружавее, а мяса становіцца ружовым у цэнтры, ці калі тэрмометр з імгненным счытваннем паказвае 135 градусаў у самай тоўстай частцы адбіўной. Потым перакладзіце адбіўныя на талерку, няшчыльна накрыйце алюмініевай фольгай і пакіньце на некаторы час, пакуль гатуеце соус.
- Пакладзіце 1 сталовую лыжку сметанковага масла ў патэльню на сярэдні агонь. Калі спадзе пена, дадайце цыбулю-шалот і гатуйце да мяккасці, 2-3 хвіліны. Дадайце вішню, віно; варыце, перыядычна памешваючы, пакуль вадкасць не ператворыцца ў густы сіроп, 5-6 хвілін. Дадавайце яшчэ 2 сталовыя лыжкі масла патроху, пакуль яно не змяшаецца з падліўкай. Запраўце соллю і перцам. Паліце адбіўныя соусам і падавайце.
Больш рэцэптаў:
Грыль — гэта не толькі абвугленыя каўбаскі. Падборка небанальных рэцэптаў
Як за беларускімі апазіцыянерамі шпіёніла мадэль Онліфанс37
Каментары