На подступах да Кіева СПА знішчыла ўсе варожыя «Шахеды».
У ноч на 19 ліпеня расіяне нанеслі па Адэсе масіраваны ўдар ракетамі розных тыпаў і ўдарнымі дронамі. Ад гадзіны ночы ў горадзе чуліся выбухі. Першыя выбухі прагучалі ў 01:04, затым у 01:50 былі зафіксаваныя паўторныя пускі крылатых ракет «Калібр» з Чорнага мора.
Пасля другой гадзіны ночы Паветраныя сілы паведамілі аб паўторных пусках крылатых ракет Х-22 з паўднёвага напрамку і заклікалі жыхароў Адэскай вобласці знаходзіцца ў сховішчах, піша «Украінская праўда».
А трэцяй гадзіне ночы зноў быў зафіксаваны прылёт, а чацвёртай гадзіне ночы таксама прагучаў выбух. Паветраную трывогу ў горадзе і вобласці не аб'яўлялі.
Ноччу і на досвітку 19 ліпеня вораг атакаваў сталіцу і Кіеўшчыну ўдарнымі дронамі.
Кіраўнік ваеннай адміністрацыі Сяргей Папко адзначыў, што яшчэ на подступах да сталіцы СПА выявіла і знішчыла ўсе варожыя дроны.
Ён дадаў, што, паводле папярэдніх звестак, ахвяр і разбурэнняў няма, але звесткі яшчэ ўдакладняюцца.
Цяпер чытаюць
Што вядома пра віцебчука, якога вінавацяць у спробе падрыву самалёта ў Германіі3
Каментары