Міністр замежных спраў Кітая, які таямніча знік з публічнай прасторы, зняты з пасады
Парламент КНР аб’явіў аб прызначэнні новага кіраўніка МЗС, ім стаў старшыня канцылярыі камісіі па замежных справах ЦК Камуністычнай партыі Кітая Ван І.
57-гадовы Цынь Ган зняты з пасады міністра, паведамляе афіцыйнае кітайскае выданне Global Times. Ён займаў яе з 30 снежня 2022 года. Апошні месяц ён не з’яўляўся на публіцы, што нарадзіла процьму канспіралагічных тэорый.
Для 69-гадовага Ван І прызначэнне міністрам было б паніжэннем. Раней ён займаў пасаду міністра з 2013 да пачатку 2023 года, пасля чаго быў павышаны да пасады кіраўніка аддзела Цэнтральнага камітэта Кампартыі, які кіруе замежнай палітыкай. Найхутчэй, аднак, Ван будзе проста часова спалучаць пасады міністра і ў ЦК, пакуль не будзе прызначаны новы міністр.
У чым прычына раптоўнай апалы Цынь Гана і дзе ён, пакуль невядома.
Жыццё і дзейнасць камуністычнай вярхоўкі Кітая ахутаныя сакрэтнасцю.
Цынь Ган перад прызначэннем міністрам быў паслом Кітая ў ЗША. Яшчэ раней ён быў намеснікам міністра замежных спраў і паслом у Брытаніі.
Цяпер чытаюць
Акадэмію КДБ будуюць проста на Залатагорскіх могілках. З зямлі дастаюць парэшткі мінчукоў, якіх тут хавалі сотні гадоў9
Каментары