Прэзідэнт Украіны на пытанне аб контрнаступе адказаў, што Украіна патроху рухаецца наперад, хоць гэта і вельмі цяжка праз тое, што расіяне шчыльна ставяць міны, піша «Украінская праўда».
«Мы сёння гаварылі з прэм'ер-міністрам [Фінляндыі Петэры Орпа]. Калі вы не супраць, не ўсё буду публічна казаць, але мы бачым, што на некалькіх кірунках мы ідзём наперад. Нам вельмі складана, вельмі шчыльнае мініраванне, проста тысячы мін — гэта тое, што пакідае пасля сябе Расія.
Самая галоўная тэндэнцыя, пра якую мне штодня дакладваюць вайскоўцы, — мы ўвесь час рухаемся і рухаемся наперад. Так, патроху, але кірунак правільны».
22 жніўня ў Мінабароны Украіны паведамілі, што 47-я брыгада з боем увайшла ў сяло Рабоціна Запарожскай вобласці і арганізавала эвакуацыю мірных жыхароў. Расіяне абстрэльваюць сяло з артылерыі.
16 жніўня афіцыйна пацвердзілі, што УСУ вызвалілі Ураджайнае ў Данецкай вобласці.
Цяпер чытаюць
19‑гадовы курсант Акадэміі МУС набіў сабе на лбе мішэнь і паехаў штурмаваць Запарожжа. Ідэя спрацавала21
Каментары