Украінцы з боем увайшлі ў Рабоціна, адтуль эвакуіруюць мірных жыхароў
Вайскоўцы УСУ з боем увайшлі ў сяло Рабоціна Запарожскай вобласці і арганізавалі эвакуацыю мясцовых жыхароў, паведаміла намесніца міністра абароны Украіны Ганна Маляр.
Па словах Маляр, у Рабоціна ўвайшлі байцы 47-й асобнай механізаванай брыгады. Яны пачалі эвакуіраваць жыхароў на БМП Bradley.
«Нашы байцы выконваюць планавую баявую працу і знішчаюць ворага. У адказ расійцы бесперапынна абстрэльваюць Рабоціна з артылерыі. Працягваюцца баі», — напісала Маляр у тэлеграм-канале.
Мінабароны Расіі пакуль не каментавала заявы намесніцы міністра абароны Украіны.
Цяпер Украіны вядзе контрнаступленне. Участак фронту на поўдзень ад Арэхава паміж сёламі Рабоціна і Вербава — кірунак, на якім знаходзіцца групоўка УСУ колькасцю да 50 тысяч чалавек. Дакладна вядома, што ўкраінскім вайскоўцам удалося прарвацца праз мінныя палі і замацавацца на паўночна-ўсходняй ускраіне Рабоціна, піша «Медуза».
Цяпер чытаюць
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх17
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары
У Беларусi "Майбах " , ТРЦ Карона,
палiтвязнi