На думку генеральнага сакратара Альянсу, украінцам трэба дапамагаць парадамі і падтрымкай, «але ўрэшце менавіта ўкраінцы павінны прымаць рашэнні».
Генеральны сакратар NATO Енс Столтэнберг, ацэньваючы контрнаступленне Сіл абароны, сказаў, што ўкраінцы пераўзыходзяць чаканні, паведамляе «Укрінфарм».
«Украінцы паступова заваёўваюць пазіцыі, а гэта значыць, што яны адціскаюць расіян, што яны здольныя прарвацца праз некаторыя з гэтых добра ўмацаваных тэрыторый, у прыватнасці, дзякуючы мінным палям, і таму зараз яшчэ важней падтрымліваць іх [УСУ].
«Мы ўбачылі, што ўкраінцы зноў перасягнулі чаканні, і мы павінны памятаць, што ўсё пачалося летась з поўнамаштабнага ўварвання Расіі ва Украіну.
Тады эксперты лічылі, што Украіна пратрымаецца ўсяго некалькі дзён ці тыдняў, але яны вызвалілі поўнач, Кіеў, усход, Харкаў, тэрыторыю на поўдні, Херсон. І цяпер яны дасягаюць яшчэ большых поспехаў».
Адказваючы на пытанне аб рознагалоссі ў ацэнцы тактыкі контрнаступу сярод заходніх вайскоўцаў, Столтэнберг адзначыў, што «паміж саюзнікамі NATO вядзецца пастаянны дыялог і, вядома, таксама дыялог з Украінай».
На думку генеральнага сакратара Альянсу, украінцам трэба дапамагаць парадамі і падтрымкай, «але ўрэшце менавіта ўкраінцы павінны прымаць рашэнні».
Ён адзначыў, што перадавыя сістэмы СПА, перададзеныя Украіне саюзнікамі НАТА, даказалі сваю выключную эфектыўнасць.
Як маленькая група байцоў зрабіла магчымым вызваленне Рабоціна. Гісторыя, вартая Галівуда
Залужны сустракаўся на польска-ўкраінскай мяжы з генераламі НАТА і абмяркоўваў контрнаступленне — The Guardian
Ідзе прасоўванне да другой лініі абароны, у расіян няма рэзерваў — эксперт пра поспехі УСУ на Мелітопальскім участку фронту
«На некалькіх кірунках мы ідзём наперад» — Зяленскі пра контрнаступ
Пратасевіч зноў жэніцца — цяпер з таролагам Настассяй, якая працавала ў элітным медцэнтры «Мерсі»40
Каментары