Сёння ў Доме футбола прайшло пасяджэнне выканкама Беларускай федэрацыі футбола, на якім разглядалася пытанне вядучага друкаванага спартыўнага выдання краіны.
Апошнім часам «Прессбол» зазнаў сур'ёзныя фінансавыя цяжкасці, у першую чаргу з-за блакавання ўладамі доступу да сайта ў чэрвені. Нядаўна з'явілася інфармацыя, што друкаваная версія выдання наогул можа спыніць існаванне. Усе надзеі былі на Беларускую федэрацыю футбола.
У красавіку 2013 года БФФ завалодала 50 працэнтамі акцый ТАА «Прессбол-91». Сёння выканкам вырашыў, што асацыяцыя заключыць дамовы на куплю пакінутых доляў «ПБ», якія належалі заснавальнікам газеты — Юрыю Арлову (30 працэнтаў), Аляксандру Дабрыяну (10 працэнтаў) і Дзмітрыю Беленькаму (10 працэнтаў).
Першы нумар «Прессбола» выйшаў у студзені 1991 года. Нейкі час газета выдавалася раз на тыдзень, потым два разы на тыдзень, вялікі нумар у аўторак ці панядзелак, меншы нумар у пятніцу. З 1998 года газета нейкі час выдавалася чатыры разы на тыдзень, а потым вярнулася да фармату двойчы на тыдзень.
Палітвязняў па ўсёй краіне апытваюць: пасля памілавання вы хочаце застацца ў Беларусі ці з'язджаць?9
Палітвязняў па ўсёй краіне апытваюць: пасля памілавання вы хочаце застацца ў Беларусі ці з'язджаць?
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3535
Каментары