Стралок, які забіў 20 чалавек у штаце Мэн, быў інструктарам па агнястрэльнай зброі і «чуў галасы»
Падазраваны ў стральбе ў Льюістане ў амерыканскім штаце Мэн Роберт Кард пагражаў адкрыць агонь на вайскова-трэніровачнай базе ў горадзе Сака ў тым жа штаце, піша РБК са спасылкай на дакумент з базы звестак для супрацоўнікаў праваахоўных органаў.
У дакуменце гаворыцца, што 40-гадовы Роберт Кард быў інструктарам па агнястрэльнай зброі, ён знаходзіўся ў вайсковым рэзерве і быў прыпісаны да навучальнага цэнтра ў Сака.
Улетку ён правёў два тыдні ў псіхіятрычнай клініцы. У дакуменце не пазначаныя падрабязнасці аб лячэнні Карда і аб яго стане, але сказана, што ён меў «праблемы з псіхікай» і распавядаў, што «чуе галасы».
У выніку стральбы ў Schemengees Bar & Grille і боўлінгу Just-In-Time Recreation у розных частках Льюістана загінулі прынамсі 16 чалавек, яшчэ дзясяткі пацярпелі. Тэлеканал ABC паведамляе пра мінімум 20 загінулых.
CNN спачатку паведаміў пра 22 загінулых, потым напісаў пра 16 чалавек. Паводле звестак CNN, раненні атрымала ад 50 да 60 чалавек.
Брэндавая сумачка за $4 тысячы і брыльянты. Віцэ-міс Беларусі Алія Кароткая схадзіла з сяброўкай паесці дранікаў7
Брэндавая сумачка за $4 тысячы і брыльянты. Віцэ-міс Беларусі Алія Кароткая схадзіла з сяброўкай паесці дранікаў
На Афоне адшукалі тры невядомыя раней асобнікі Астрожскай Бібліі. Для яе стварэння друкар Іван Фёдараў, выхадзец з Беларусі, выкарыстоўваў тэксты Скарыны66
Каментары