Грамадства22

У Tut.by з'явіўся новы ўладальнік? Хтосьці нядаўна абнавіў стан дамена 

Сэрвіс Whois паказвае, што хтосьці нядаўна абнавіў стан дамена Tut.by, на якім знаходзіўся найбуйнейшы партал Беларусі, разгромлены ўладамі ў маі 2021 года. Апошнія абнаўленні зафіксаваныя 27 красавіка 2023 года, а сам дамен падоўжаны да 19 мая 2024 года. Уладальнік схаваў інфармацыю пра сябе, такім правам можа скарыстацца фізічная асоба, піша Reform.by.

Дамен Tut.by усё гэтак жа зарэгістраваны праз ТАА «Надзейныя праграмы». Аднак цяпер ён не належыць ТАА «Тут бай медыя».

Раней інфармацыя выглядала так:

У web.archive.org можна выявіць актыўнасць, звязаную з сайтам на дамене tut.by. Сайт практычна без перапынкаў архіваваўся са снежня 2000 года па 18 мая 2021 года. Гэта дзень, калі ўлады зладзілі пагром у офісе праекта. Затым ніякай актыўнасці не назіралася да 7 сакавіка 2023 года.

У сакавіку 2023 года з 7 па 15-га новыя ўладальнікі спрабавалі запусціць сайт на сістэме кіравання кантэнтам «Бітрыкс», а затым з'явіўся шаблон мэблевай крамы без назвы. Новы праект размяшчаўся ў дата-цэнтры «Белтэлекама».

У чэрвені 2021 года саўладальнік кампаніі «Тут бай медыя», якому належаў дамен і таварны знак, Кірыл Валошын, які застаўся на волі, каментаваў чуткі аб перадачы дамена новым уладальнікам — нібыта там будзе створана прапагандысцкае СМІ на чале з Раманам Пратасевічам.

«На гэты момант даменнае імя, гандлёвы знак і праграмнае забеспячэнне, натуральна, належаць кампаніі. Сваю інтэлектуальную ўласнасць ТАА «Тут бай медыя» не збіралася і не збіраецца аддаваць; ніякіх угодаў у дачыненні да гэтага быць не можа», — заявіў тады ён.

18 жніўня 2021 года Tut.by унеслі ў рэспубліканскі спіс экстрэмісцкіх матэрыялаў. У адпаведнасці з гэтым, распаўсюд любой прадукцыі парталу, у тым ліку лагатыпу, улады сталі лічыць адміністрацыйным правапарушэннем. 14 чэрвеня 2022 года рашэннем эканамічнага суда Мінска ТАА «Тут бай медыя» было прызнана экстрэмісцкай арганізацыяй, а яго дзейнасць на тэрыторыі Беларусі забароненая. Была забароненая яго сімволіка і атрыбутыка.

Reform.by звярнуўся да дачкі, спадчынніцы заснавальніка партала Юрыя Зісера, які памёр у маі 2020 года, але адказу пакуль не атрымаў.

Tut.by быў разгромлены ўладамі 18 мая 2021 года, калі ў рэдакцыю ў Мінску, рэгіянальныя прадстаўніцтвы і дахаты да супрацоўнікаў прыйшлі з ператрусамі. Тады былі затрыманыя 15 чалавек. 17 сакавіка 2023 года галоўны рэдактар Tut.by Марына Золатава і гендырэктар Людміла Чэкіна былі асуджаныя на 12 гадоў калоніі.

Каментары2

  • TUT.EU
    18.11.2023
    Нічэво ні панімаю, ён і раньше аткрываўся. Хіба што ні так пасматрэў?
  • Woodoo Cult
    18.11.2023
    Дело Зиссера живёт. Может, и вправду Протасевич запустится))))
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

ЗША галасавалі ў ААН па рэзалюцыі наконт вайны ва Украіне разам з Расіяй і Беларуссю45

ЗША галасавалі ў ААН па рэзалюцыі наконт вайны ва Украіне разам з Расіяй і Беларуссю

Усе навіны →
Усе навіны

У цэнтры Мінска людзі выгульвалі сабак проста па лёдзе Свіслачы. Іх ганялі ратавальнікі

«Іх сабакі брэшуць па начах, палохаюць дзяцей». Жыхары шматпавярховіка ў Мінску скардзяцца на суседзяў, што пераехалі з прыватнага дома2

Вядомыя імёны мінімум 100 тысяч расіян, якія загінулі на вайне з Украінай10

4,972% — вось чаму гэта самая важная лічба нямецкіх выбараў19

Удзельнікі вайны з Украінай, якія вярнуліся з вайны, забілі ў Расіі як мінімум 240 чалавек

Вайскоўца Дудука з 120-й асобнай механізаванай брыгады судзяць за перавышэнне ўлады2

Пратасевіч: Вядомыя выпадкі, калі зняволеныя адмаўляліся прызнаваць віну і ўсё адно атрымлівалі памілаванне7

У расійскае консульства ў Марселі кінулі два кактэйлі Молатава

«Ніхто не зрабіў большае шкоды для Беларусі, чым ён»? Ліст пра Станіслава Шушкевіча37

больш чытаных навін
больш лайканых навін

ЗША галасавалі ў ААН па рэзалюцыі наконт вайны ва Украіне разам з Расіяй і Беларуссю45

ЗША галасавалі ў ААН па рэзалюцыі наконт вайны ва Украіне разам з Расіяй і Беларуссю

Галоўнае
Усе навіны →

Заўвага:

 

 

 

 

Закрыць Паведаміць