Дональд Трамп заявіў, што менавіта яго эпізод у «Адзін дома 2» зрабіў фільм паспяховым
Рэжысёр стужкі ж сцвярджае, што бізнэсмен літаральна прымусіў дадаць сябе ў карціну.
У канцы снежня рэжысёр фільма «Адзін дома» Крыс Каламбус распавёў, што першапачаткова не планаваў дадаваць у сіквел камеа бізнэсмена і палітыка Дональда Трампа. Аднак той настойваў на сваім зʼяўленні ў карціне і нібыта не дазваляў камандзе весці здымкі ў будынку гатэля Plaza, які належаў яму.
У выніку эпізод з Трампам знялі і вырашылі пакінуць у карціне, бо аўдыторыі на тэставых паказах ён спадабаўся.
«Калі мы паказвалі гэта першы раз, адбылася самая дзіўная рэч: людзі заапладзіравалі, калі Трамп зʼявіўся на экране. Таму я сказаў: «Пакіньце яго ў фільме. Гэта момант для гледачоў».
Але Каламбус гаворыць, што Трамп «праклаў сабе шлях у кіно», выкарыстоўваючы сваю сувязь з гатэлем Plaza, каб атрымаць эпізод.
Трамп у сваю чаргу пракаментаваў выказванне Каламбуса. Па словах палітыка, ён не прымушаў нікога дадаваць сябе ў фільм, а рэжысёр і прадзюсары стужкі самі ўпрошвалі яго зняцца.
Трамп нібыта не хацеў здымацца ў «Адзін дома 2», але аўтары фільма аказаліся «ветлівыя і настойлівыя», таму ён пагадзіўся. Цяпер палітык упэўнены, што камеа стала не менш вядомым, чым сам фільм, а сам ён дагэтуль атрымлівае званкі, калі фільм паказваюць на ТБ у зімовыя святы.
«Маё камеа дапамагло зрабіць фільм паспяховым. Але калі аўтары лічылі, што іх прымусілі дадаць сцэну ці яны ўвогуле не хацелі бачыць мяне ў «Адзін дома 2», то чаму яны за 30 гадоў нічога не зрабілі? Бо я ўсё яшчэ прыношу карысць фільму!» — сказаў Трамп.
«Адзін дома 2» выйшаў у 1992 году і зарабіў у пракаце 359 мільёнаў даляраў пры бюджэце ў 28 мільёнаў.
-
Інтэрнэт-шопінг стаў новым спосабам барацьбы са стрэсам для пакалення Z. Прычым задавальненне часта прыносіць сам працэс, а не пакупка
-
Прафесійны догляд без візіту ў салон: легендарны брэнд WAHL выпусціў лінейку для стрыжкі дома
-
Зладзіла дзень нараджэння для дарагога сабакі мальтыпу, марыць пра ўнукаў: як цяпер жыве Анжаліка Агурбаш
Цяпер чытаюць
Бабарыка зоймецца бізнэсам — ужо адкрыў кампанію ў Германіі8
Бабарыка зоймецца бізнэсам — ужо адкрыў кампанію ў Германіі
«Я стаў шчаслівы». Праца на будоўлі прыносіць добрыя грошы, а грамадская актыўнасць — маральную сілу. Былы каліновец Кусь расказаў пра тое, як вярнуў унутраную раўнавагу1313
«Я стаў шчаслівы». Праца на будоўлі прыносіць добрыя грошы, а грамадская актыўнасць — маральную сілу. Былы каліновец Кусь расказаў пра тое, як вярнуў унутраную раўнавагу13
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе1010
Каментары