«Няма нічога больш істотнага за жыццё чалавека. І апраўдаць забойствы немагчыма». Ціханоўская выступіла з нагоды смерці Вадзіма Храсько
Святлана Ціханоўская зрабіла адмысловую заяву пасля з'яўлення інфармацыі, што следам за Вітольдам Ашуркам, Мікалаем Клімовічам і Алесем Пушкіным рэжым закатаваў яшчэ аднаго палітвязня — Вадзіма Храсько.
«Для злачынцаў, што зрабілі гэта, чалавечае жыццё не мае сапраўднай вартасці. Зняволеным наўмысна не аказваюць медычную дапамогу, не перадаюць лекаў. Іх проста кідаюць паміраць. А з-за рэжыму інкамунікада нават нельга дазнацца пра іх рэальны стан — некаторым ужо многія месяцы не дазваляюць сустрэцца з адвакатам, весці ліставанні.
Сістэма паслядоўна і наўмысна знішчае беларусаў. Мы зробім усё магчымае, каб прыцягнуць да адказнасці тых, хто мае дачыненне да гэтых злачынстваў. Няма нічога больш істотнага за жыццё чалавека. І апраўдаць забойствы немагчыма.
Я выказваю шчырыя спачуванні родным ды блізкім Вадзіма Храсько. І хачу нагадаць беларусам — няма розніцы, застаяцеся вы ў краіне, ці з'ехалі: дбайце пра тых, хто ў няволі. Пішыце лісты палітзняволеным, дапамагайце іх сем'ям, патрабуйце інфармацыю аб стане тых, хто знаходзіцца за кратамі.
Бо сёння задача кожнага з нас — рабіць усё магчымае, каб людзі больш не гінулі ў турмах», — заявіла Святлана Ціханоўская.
@nashaniva Яшчэ аднаго палітвязня замучылі ў турме #беларусь #палітвязні #палітвязнібеларусі #минск #вадзімхрасько #нашаніва #беларусьсейчас #беларускіцікток ♬ Very Sad - Enchan Чытайце таксама:
У калоніі ад пнеўманіі памёр палітвязень Вадзім Храсько, асуджаны за данаты
Кіраўніца Еўрапарламента сустрэлася з Ціханоўскай і прадстаўнікамі палітвязняў
-
Лукашэнка з'явіўся на дзіцячым навагоднім свяце пасля падзення на хакейным матчы
-
«Усіх цудоўных слоў свету недастаткова, каб расказаць, які ён». Кітайская жонка загінулага беларускага добраахвотніка распавяла пра яго
-
Калекцыянер займеў купюру з двума рознымі серыйнымі нумарамі і засумняваўся ў сапраўднасці
Каментары