Стала вядомая чарговая дата, калі беларуску маюць запусціць у космас
Расійская дзяржаўная карпарацыя «Раскосмас» абвясціла новую дату старту касмічнага карабля «Саюз МС-25». 21 сакавіка на арбіту мае выправіцца экіпаж з трох чалавек: касманаўт «Раскосмаса» Алег Навіцкі (ураджэнец Беларусі), беларуска Марына Васілеўская і астранаўтка NASA (ЗША) Трэйсі Дайсан.
Першапачаткова палёт быў запланаваны на восень 2023 года, але пасля яго перанеслі на вясну 2024 года «праз няштатную сітуацыю». Першапачаткова пачатак экспедыцыі прызначаўся на 13 сакавіка.
Плануецца, што палёт Марыны Васілеўскай і Алега Навіцкага працягнецца 12 сутак: яны вернуцца на Зямлю на «Саюзе МС-24», які цяпер прыстыкаваны да МКС, разам з амерыканкай Лорал О'Хара.
Марына Васілеўская, якую выбралі для палёту на МКС, з 2017 года працуе бортправадніцай у авіякампаніі «Белавія». У снежні 2022 года яна паспяхова прайшла выпрабаванні на цэнтрыфузе, дзе перанесла васьміразовую перагрузку.
«Гэта пытанне часу, але трэба саспець». Пуцін загаварыў пра адзіны парламент і валюту Беларусі і Расіі7
«Гэта пытанне часу, але трэба саспець». Пуцін загаварыў пра адзіны парламент і валюту Беларусі і Расіі
Беларускія бізнэсмены спешна прадаюць долі ў сваіх польскіх транспартных кампаніях. Што адбываецца?2
Каментары