У інтэрв'ю амерыканскаму журналісту Такеру Карлсану Уладзімір Пуцін замест Кіева раптам стаў казаць пра Мінск.
Пуцін зрабіў агаворку, калі расказваў, што Расія яшчэ не дасягнула сваіх мэтаў ва Украіне.
«Мае калегі ў Францыі і Германіі казалі: «Як ты сабе ўяўляеш, як яны будуць падпісваць дамову: з пісталетам, прыстаўленым да скроні? Трэба адвесці войскі ад Мінска». Кажу: добра. Мы адвялі войскі ад Мінска.
Як толькі мы… Вой, выбачайце, ад Кіева — як толькі мы адвялі войскі ад Кіева, адразу ж нашы ўкраінскія перагаворшчыкі выкінулі ў памыйніцу ўсе нашы дамоўленасці, дасягнутыя ў Стамбуле, і падрыхтаваліся да працяглага ўзброенага супрацьстаяння пры дапамозе Злучаных Штатаў і іх сатэлітаў у Еўропе».
Гэта не адзіная агаворка, якая была ў гутарцы. Расказваючы пра падзеі Другой Сусветнай вайны на тэрыторыі Украіны Пуцін зблытаў першага кіраўніка незалежнай Беларусі Станіслава Шушкевіча з кіраўніком Украінскай паўстанцкай арміі Раманам Шухевічам.
Цяпер чытаюць
Слесар з Оршы бегаў ад войска на радзіме, каб пасля памерці за Пуціна. Перад адпраўкай на забой для яго закацілі дыскатэку з афрыканцамі19
Слесар з Оршы бегаў ад войска на радзіме, каб пасля памерці за Пуціна. Перад адпраўкай на забой для яго закацілі дыскатэку з афрыканцамі
Пасол Украіны па пытаннях Беларусі адказаў на дыскусію Вячоркі і крытыкаў Ціханоўскай: Ваша ўзаемная непрымальнасць адыгрывае вельмі неканструктыўную ролю4949
Каментары