Які рэйтынг даверу ва Украіне ў Сырскага, а які ў Залужнага — вынікі апытання
Па стане на люты 2024 года галоўнакамандуючаму Узброеных сіл Аляксандру Сырскаму выказалі давер 40% украінцаў. Яго папярэднік Валерый Залужны захоўвае самы высокі давер у краіне — 94%. Такія вынікі дало апытанне Кіеўскага міжнароднага інстытута сацыялогіі 5-10 лютага 2024 года.
Па даных апытання, Сырскаму давяраюць 40%, не давяраюць — 21%, а 4% маюць нявызначаныя адносіны.
Сацыёлагі пры гэтым указваюць, што ў снежні і лютым 48% і 35% рэспандэнтаў з ліку апытаных не ведалі нічога пра Сырскага. А сярод тых, хто ведаў пра яго, давер да галоўнакамандуючага вышэйшы.
Найбольш за ўсіх украінцы давяраюць былому галоўнакамандуючаму Валерыю Залужнаму — 94%, не давяраюць яму толькі 5%.
Сярод ваеннага кіраўніцтва ўзрос давер да кіраўніка ГУР Кірылы Буданава, з 60% у снежні 2023 года да 66% у лютым. Не давяраюць яму 19% з ліку апытаных.
874 інтэрвʼю былі праведзены да 8 лютага ўключна, гэта значыць да адстаўкі Валерыя Залужнага. Астатнія 328 інтэрвʼю былі праведзены пасля адстаўкі — 9 і 10 лютага.
Апытанне таксама паказала, што ва Украіне ўпершыню стала больш тых, хто лічыць, што краіна рухаецца ў няправільным кірунку. 46% у лютым 2024 года лічылі напрамак руху няправільным, 44% — правільным.
Цяпер чытаюць
33-гадовы Даніла Гаркавы, які нечакана пакінуў Офіс Ціханоўскай, расказаў пра сваю анкалогію і сем аперацый5
33-гадовы Даніла Гаркавы, які нечакана пакінуў Офіс Ціханоўскай, расказаў пра сваю анкалогію і сем аперацый
«Мінімальны заробак доктара ў Польшчы большы, чым я мела ў беларускім прыватным цэнтры». Доктарка Маркелава — пра працу ў польскай бальніцы і выраб натуральнай касметыкі1414
Каментары
Скажам так, вайскоўцы аднолькава давяраюць абодвум, а большы адсотак Залужнаму дадаюць цывільныя.