Работніка «Нафтана» затрымалі «за дэманстрацыю нацысцкай сімволікі»
Суддзя Наваполацкага суда Зінаіда Балаболава 31 студзеня за «публічную дэманстрацыю нацысцкай сімволікі» арыштавала на 13 сутак кантралёра кантрольна-прапускнога пункта ААТ «Нафтан» актывіста гіравага спорту і члена Белхімпрафсаюза Артура Францава, піша «Віцебская вясна».
У судзе быў зачытаны пратакол аб адміністрацыйным правапарушэнні, з якога вынікала, што Артур Францаў на сваёй старонцы ў сацыяльнай сетцы «Вконтакте» распаўсюдзіў відэаролік з выявай эмблемы нацыянал-сацыялістычнай працоўнай партыі Германіі, а таксама выявай свастыкі, якая з'яўляецца сімвалам нацыянал-сацыялістычнай рабочай партыі Германіі, і якая уяўляе сабой знак у выглядзе крыжа з чатырма канцамі, загнутымі ў правы бок пад прамым вуглом.
На судовым пасяджэнні мужчына віну не прызнаў, звярнуўшы ўвагу на тое, што ён не пераследаваў мэты публічнай дэманстрацыі нацысцкай сімволікі, а ролік размясціў дзеля забаўкі.
Палічыўшы, што віна і дачыненне да адміністрацыйнага правапарушэння даказаныя, суддзя Балаболава на падставе ч.1 арт.19.10 КаАП прысудзіла Францаву арышту на трынаццаць сутак.
«Трэба выцягнуць сюды адміністратараў, якія за мяжой знаходзяцца». Як ГУБАЗіК праводзіць гутаркі з арыштаванымі
За ўдзел у пратэстах затрымалі берасцейца
«Майго маладога чалавека нацягнулі ластаўкай, збівалі, бо ён адмаўляўся даваць на мяне паказанні». Спявачка Мэрыем Герасіменка расказала пра сваё затрыманне
Жываглод прызнала рассылку праз чат-бот «Сумленных людзей» карыстальнікам у Беларусі: Але не ў працоўны час, пасля 18 гадзін14
Каментары