Свет66

Дырэктар ліцэя ў Польшчы прайграў грошы навучэнцаў і зʼехаў у Беларусь. Але вытрымаў толькі 10 дзён

Дырэктар ліцэя ў польскім горадзе Буска-Здруй прайграў грошы, якія прызначаліся на паездкі школьнікаў. Усвядоміўшы, што не ў стане пагасіць доўг, ён зʼехаў у Беларусь. Але праз 10 дзён вырашыў вярнуцца, каб паўстаць перад судом. На гісторыю, якую распавяла Wyborcza, звярнуў увагу «Мост».

Томаш Г. прызнаўся, што праблемы з азартнымі гульнямі ў яго пачаліся яшчэ ў 2012 годзе. Ён рабіў стаўкі на футбол і іншыя віды спорту. У асноўным мужчына гуляў анлайн, але часам наведваў і стацыянарныя букмекерскія канторы. 

Усвядоміўшы сваю залежнасць, ён вырашыў прайсці тэрапію. Лячэнне дапамагло: Томаш быў «у завязцы» амаль два гады. Аднак у 2019 годзе ён пачаў гуляць зноў. Нейкі час ён прайграваў уласныя грошы, потым пачаў займаць невялікія сумы, а пасля стаў браць грошы, сабраныя школьнікамі і бацькоўскім камітэтам — сродкі захоўвалася ў сейфе яго кабінета. 

У 2020 годзе дзяцей хацелі адправіць у Італію і Харватыю — сабраныя на гэта сродкі настаўнікі перадалі былому дырэктару на захоўванне. Але з-за пандэміі паездкі прыйшлося адкласці. 

— Гэтая сітуацыя прымусіла мяне спакусіцца грашыма, — распавёў Томаш. — Здаралася, што настаўнікі ці школьнікі пыталіся пра паездкі, але я іх адкладаў, апраўдваючыся пандэміяй і вайной. Гэта дазваляла выйграць час. 

Дырэктару здавалася, што ён здолее адыграцца, але ў выніку мужчына выдаткаваў усе сродкі, узятыя са школьнай касы — агулам амаль паўмільёна злотых (каля 125 тысяч даляраў). 

У верасні 2022 года, пасля летніх канікулаў, Томаш павінен быў пачаць працу, але ў ліцэі не зʼявіўся. Праз дзень сямʼя заявіла аб ягоным знікненні. Тады ж яго намеснік заўважыў, што грошы, якія прызначаліся на паездкі, зніклі. 

— Я зʼехаў з Польшчы ў Беларусь 5 верасня. Мне проста надакучылі штодзённыя роспыты пра грошы — я ведаў, што ў мяне іх няма, і не мог гэтага вынесці. 

Дырэктар прабыў у Беларусі 10 дзён, і ў ноч з 15 на 16 верасня вярнуўся ў Польшчу. На трэці дзень знаходжання на радзіме Томаша затрымалі. 

Суд прыняў да ўвагі, што мужчына добраахвотна вярнуўся з-за мяжы, не перашкаджаў крымінальнай вытворчасці, прызнаў сябе вінаватым і пачаў пагашаць доўг. 

Ужо былога дырэктара прыгаварылі да 2 гадоў і 10 месяцаў пазбаўлення волі, а таксама ён павінен пагасіць доўг.

Каментары6

  • Томуш
    22.02.2024
    Лепей у роднай польшчы чым у канцлагеры?:))
  • Dr. Someone
    22.02.2024
    Ахаха, лепш польская турма, чым беларуская "свабода", вытрымаць якую непадрыхтаваныя іншаземцы могуць не больш за пару тыдняў.
    Дзякую, насмяшыла! Жыццёва.
  • Kub
    22.02.2024
    2 гады у польскай турме лепш за 10 дзён у лукашысцкім сасуце...

Цяпер чытаюць

Беларусы выкупілі пад Мінскам дзевяць участкаў, каб жыць цеснай кампаніяй. Адно месца яшчэ вакантнае5

Беларусы выкупілі пад Мінскам дзевяць участкаў, каб жыць цеснай кампаніяй. Адно месца яшчэ вакантнае

Усе навіны →
Усе навіны

Амбразевіч прызначаны паслом пры Ватыкане, Матусевіч — намеснікам кіраўніка Адміністрацыі1

Расійскі тэлеканал замазаў фота Алы Пугачовай у адным з фільмаў5

Кіберпартызаны ўпрыгожылі партал Банка Развіцця віншаваннямі да Дня Волі

Як звесці рызыку інфаркту да мінімуму?

Беларус надрукаваў на 3D-прынтары пісталет-кулямёт2

Азараў расказаў, чым будзе займацца яго дэтэктыўнае бюро «Рэкс»6

Чарговы скандал з адміністрацыяй Трампа: журналісты знайшлі ў інтэрнэце персанальныя даныя топ-чыноўнікаў4

«Мой заробак у Польшчы вырас у дзесяць разоў» — гінеколаг Ганна Каско50

Міністр абароны Літвы: Няма гарантыі, што вайскоўцы ЗША ў машыне — правяраюцца і іншыя версіі1

больш чытаных навін
больш лайканых навін

Беларусы выкупілі пад Мінскам дзевяць участкаў, каб жыць цеснай кампаніяй. Адно месца яшчэ вакантнае5

Беларусы выкупілі пад Мінскам дзевяць участкаў, каб жыць цеснай кампаніяй. Адно месца яшчэ вакантнае

Галоўнае
Усе навіны →

Заўвага:

 

 

 

 

Закрыць Паведаміць