Кіеў падрыхтуе план вядзення баявых дзеянняў на бліжэйшы перыяд.
Кіеў падрыхтуе план вядзення баявых дзеянняў на бліжэйшы перыяд, але збіраецца дачакацца вынікаў выбараў прэзідэнта ЗША, якія стануць «пераломным момантам» у вайне з Расіяй, заявіў прэзідэнт Украіны Уладзімір Зяленскі. «З гэтага моманту (выбараў у ЗША) мы будзем разумець, што адбудзецца», — сказаў Зяленскі на прэс-канферэнцыі ў Кіеве.
Да гэтага ўкраінскі лідар абвергнуў замарозку ваеннага канфлікту з Расіяй і магчымасць падпісання новых пагадненняў, якія будуць падобныя да мінскіх. Паводле яго слоў, у Кіева быў замарожаны канфлікт з 2014 года і ён больш не верыць у такога кшталту ўрэгуляванне, паколькі пытанне «не толькі ў тэрыторыі, але і ў бяспецы» Украіны.
Тым часам былы прэзідэнт ЗША Дональд Трамп, які збіраецца ўдзельнічаць у выбарах кіраўніка дзяржавы, плануе ў выпадку перамогі прымусіць Украіну да мірных перамоваў з Расеяй, распавядалі Bloomberg дасведчаныя крыніцы.
Па іх словах, каманда Трампа абмяркоўвае магчымасць правядзення мірнага саміту з удзелам прэзідэнтаў Расіі і Украіны Уладзіміра Пуціна і Уладзіміра Зяленскага адразу пасля перамогі на выбарах. Для прымусу Кіева Трамп можа прыгразіць скараціць ваенную падтрымку, а Пуціну, наадварот, скажа аб павелічэнні дапамогі Украіне.
Цяпер чытаюць
Адстаўны міністр-карупцыянер прадае рэспектабельны катэдж каля Драздоў. Просіць $2 мільёны3
Каментары