Apple згортвае распрацоўку электрамабіля. Супрацоўнікаў перавядуць у AI-аддзел
У праекце былі задзейнічаныя дзве тысячы чалавек.
Apple Park у Куперціна (Каліфорнія). Фота: Wikimedia Commons
Кампанія Apple вырашыла згарнуць адзін з самых амбіцыйных у сваёй гісторыі праектаў па стварэнні электрамабіля, якім пачала займацца 10 гадоў таму, піша Бі-бі-сі.
У праекце (Project Titan), існаванне якога Apple ніколі публічна не прызнавала, меркавана было задзейнічана каля двух тысяч чалавек — унутры кампаній яны былі вядомыя як Special Projects Group.
Частка з іх будзе пераведзена ў падраздзяленне, якое займаецца распрацоўкамі ў галіне штучнага інтэлекту, піша Bloomberg.
Па звестках суразмоўцаў агенцтва, рашэнне было прынята галоўным аперацыйным дырэктарам Apple Джэфам Уільямсам і віцэ-прэзідэнтам Кевінам Лінчам.
Сама Apple гэтыя паведамленні не каментуе.
Цяпер чытаюць
У чым прычына незадаволенасці жыхароў мікрараёна Лебядзіны ў Мінску? Вось што насамрэч там планавалі будаваць6
Каментары