За дзесяць дзён расійская армія прасунулася на пяць кіламетраў на ўсходзе Украіны
Пад кантроль адышлі тры вёскі.
З таго часу, як расійскія войскі захапілі Аўдзееўку, прайшло дзесяць дзён. Пасля невялікага перапынку УС РФ працягнулі прасоўванне на захад, пад кантроль расійскай арміі адышлі яшчэ тры невялікія вёскі. За дзесяць дзён расейскія вайскоўцы прасунуліся на гэтым напрамку адразу на пяць кіламетраў, піша Bild.
Назіральнікі мяркуюць, што пры захаванні такога тэмпу расейцы за некалькі месяцаў дасягнуць адміністрацыйнай мяжы паміж Данецкай і Днепрапятроўскай вобласцю. У той жа час украінскае камандаванне рапартуе аб стабілізацыі лініі фронту. Зрэшты, неабвержных доказаў гэтага пакуль няма.
Некаторыя ўкраінцы ў сацыяльных сетках ускладаюць адказнасць за адступленне на генерала УСУ Аляксандра Тарнаўскага і патрабуюць звольніць яго, іншыя абараняюць генерала і абвінавачваюць заходнія краіны ў тым, што яны зацягваюць пастаўкі боепрыпасаў і ўзбраенняў.
Складаная сітуацыя для УСУ склалася і недалёка ад Бахмута, дзе расійскія войскі прасоўваюцца да горада Часаў Яр. Там ВС РФ маюць перавагу ва ўзбраенні і жывой сіле, а таксама амаль бесперашкодна наносяць масіраваныя авіяўдары.
Цяпер чытаюць
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?11
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?1
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе99
Каментары