Стала вядома, за што будуць судзіць мастоўскага фатографа Івана Падліпенцава. Яму пагражае да 7 гадоў
Суд на мужчынам пачнецца праз два тыдні.
Мужчыну 43 гады. Ён з Мастоў. Іван прадпрымальнік, у яго дагэтуль адкрытае ІП, сферай дзейнасці якога пазначана «дзейнасць у галіне фатаграфіі».
Івана затрымалі ў чэрвені 2023-га года. Тады губазікаўцы натоўпам наваліліся на яго на падворку і адвезлі ў пастарунак у адных майтках. У відэа сілавікоў яму закідалася тое, што ён «пакідаў абразлівыя каментары ў тэлеграме і зарэгістраваўся ў плане «Перамога».
Цяпер стала вядома, за што будуць судзіць. Гэта ажно чатыры артыкулы — «абраза Лукашэнкі» (ч. 1 арт. 368 КК РБ), «абраза прадстаўніка ўлады» (арт. 369), «удзел у экстрэмісцкім фарміраванні» (ч. 1 арт. 361-1) і «распальванне варожасці або варажнечы» (ч. 1 арт. 130).
Падліпенцаву пагражае да сямі гадоў зняволення. Суд над Іванам пачнецца 11 сакавіка ў Гродзенскім абласным судзе.
«Наша Нiва» — бастыён беларушчыны
ПАДТРЫМАЦЬУ Рэчыцы людзі выйшлі прыбіраць снег. Іх аштрафавалі6
У Рэчыцы людзі выйшлі прыбіраць снег. Іх аштрафавалі
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»1414
Каментары