Яўгенію Гуцул лічаць палітыкам прарасійскай арыентацыі.
Кіраўнікі Гагаузскай аўтаноміі Малдовы (рэгіён на поўдні Малдовы), уключаючы кіраўніка рэгіёна Яўгенію Гуцул, прыехалі ў Маскву з рабочым візітам, перадае РБК са спасылкай на прэс-службу выканкама аўтаноміі.
«Башкан (кіраўнік) Гагаузіі Яўгенія Гуцул разам са старшынёй Народнага сходу Гагаузіі Дзмітрыем Канстанцінавым знаходзяцца з рабочым візітам у Маскве», — паведамілі ў прэс-службе.
Гуцул лічаць палітыкам прарасійскай арыентацыі. У траўні 2023 года яна перамагла на выбарах кіраўніка рэгіёну як кандыдат ад партыі «Шор», якая цяпер забароненая ў Малдове. Кішынёў вынікі выбараў не прызнаў, аднак Апеляцыйная палата Камрата (сталіца Гагаузіі) зацвердзіла перамогу Гуцул.
У канцы лютага з'езд дэпутатаў усіх узроўняў непрызнанай Прыднястроўскай Малдаўскай Рэспублікі (ПМР) прыняў рэзалюцыю з просьбай аб дапамозе да расійскіх Савета Федэрацыі і Дзярждумы і прыняцці мер у сувязі з «эканамічнай блакадай» з боку Кішынёва.
Пазней кіраўнік МЗС Прыднястроўя Віталь Ігнацьеў удакладніў, што Ціраспаль перш за ўсё чакае ад Масквы дыпламатычнай падтрымкі. У Бюро па рэінтэграцыі ўрада Малдовы назвалі рашэнне ўладаў Рэспублікі прапагандысцкім.
Беларускага Сінюю Бараду адпусцілі з расійскай турмы паміраць дома6
Беларускага Сінюю Бараду адпусцілі з расійскай турмы паміраць дома
«Я стаў шчаслівы». Праца на будоўлі прыносіць добрыя грошы, а грамадская актыўнасць — маральную сілу. Былы каліновец Кусь расказаў пра тое, як вярнуў унутраную раўнавагу1313
Каментары