Групы «шахедаў» былі запушчаныя з двух палігонаў акупаванага Крыма, а таксама з Краснадарскага края і Курскай вобласці.
Паветраныя сілы Украіны раніцай у сераду абвясцілі, што ў ходзе адлюстравання начнога масіраванага налёту «шахедаў» былі збітыя 38 з 42 запушчаных Расіяй беспілотнікаў.
Украінскія вайскоўцы пішуць, што групы «шахедаў» былі запушчаныя з двух палігонаў акупаванага Крыма, а таксама з Краснадарскага края і Курскай вобласці.
«У выніку баявой працы збітыя 38 «шахедаў» у межах Днепрапятроўскай, Адэскай, Херсонскай, Хмяльніцкай, Чаркаскай, Харкаўскай, Вінніцкай і Сумскай абласцей», — рапартуюць Паветраныя сілы.
Уначы аб трох трапленнях «шахедаў» у горадзе Сумы пісала мясцовая адміністрацыя. Акрамя таго, са Стараканстанцінава Хмяльніцкай вобласці паступалі паведамленні, што там у частцы горада пасля налёту знікла электрычнасць.
Цяпер чытаюць
Будучы крэдыт пад 1% на новабудоўлі абрастае падрабязнасцямі. Як зменіцца рынак нерухомасці?2
Будучы крэдыт пад 1% на новабудоўлі абрастае падрабязнасцямі. Як зменіцца рынак нерухомасці?
І пра рэальных бандытаў, і пра крыварукага Косцю-плітачніка, і пра сэкс у цягніку. Журналістка з Гомеля напісала кнігу — чытаць яе страшна і смешна1111
Каментары