«Гэты аб’ект мае важнае значэнне». У Рагачове правядуць вучэнні з узмоцненым КПП
У Рагачове 2—4 красавіка пройдуць камандна-штабныя вучэнні ў рамках праверкі мабілізацыйнай гатоўнасці тэрытарыяльнай абароны, паведамляецца на сайце раённай дзяржгазеты «Свабоднае слова».
У ходзе гэтых вучэнняў запаснікі будуць адпрацоўваць «практычныя дзеянні па арганізацыі прапускнога рэжыму падчас дзеяння ваеннага становішча».
Удакладняецца, што на паўночным уездзе ў горад будуецца ўзмоцнены кантрольна-прапускны пункт.
«Гэты аб’ект мае важнае значэнне: ён прызначаны для ажыццяўлення кантролю ва ўстаноўленым парадку за праходам людзей і праездам транспартных сродкаў на тэрыторыю населенага пункта», — заявіў вайсковы камісар Рагачоўскага і Кармянскага раёнаў Ігар Чайка.
Праверка боегатоўнасці Узброеных сіл РБ працягваецца з 15 сакавіка.
Каментары