МЗС Беларусі выразіў «глыбокую занепакоенасць», але асуджаць Іран не стаў
МЗС Беларусі выступіла з заяваю з нагоды атакі Ірана на Ізраіль.
МЗС Беларусі. Фота: Wikimedia Commons
«Беларусь глыбока занепакоеная эскалацыяй сітуацыі ў блізкаўсходнім рэгіёне. Мы паслядоўна выступаем за мірнае ўрэгуляванне канфлікту на Блізкім Усходзе палітыка-дыпламатычнымі сродкамі.
Звяртаемся да ўсёй сусветнай супольнасці, міжнародных арганізацый прыняць меры і кансалідаваць намаганні для неадкладнай стабілізацыі становішча», — гаворыцца ў заяве.
Грамадзянам Беларусі, якія плануюць паездкі ў рэгіён, МЗС раіць «строга ўлічваць сітуацыю, якая складваецца, і адсочваць афіцыйныя паведамленні авіяцыйных уладаў адносна ўвядзення абмежаванняў на выкарыстанне паветранай прасторы, а таксама аб прыпыненні працы аэрапортаў».
Цяпер чытаюць
Мінск, Варшава, Вільня — параўноўваем, дзе прасцей купіць кватэру чалавеку з сярэдняй зарплатай1
Каментары