Ад учора літоўскія мытнікі перасталі адбіраць ссабойкі пры ўездзе ў краіну. Але абмежаванняў усё адно хапае
Як даведаўся са сваіх крыніц блогер Антон Матолька, учора з другой паловы дня значна змякчылася забарона на ўвоз прадуктаў з Беларусі ў Літву.
Крыніцы Антона Матолькі паведамляюць, што калі раніцай 5 чэрвеня людзей яшчэ прымушалі выкідваць агуркі, сухія крупы і нават ваду ў бутэльках, то ўжо прыкладна апоўдні сітуацыя стала мяняцца.
Людзі пішуць, што ў іх перасталі адбіраць ежу, ваду, лекі і іншыя прадукты. Цыгарэты трэба правозіць у адкрытых пачках, прадукты вагой да 2 кг таксама мусяць быць распакаваныя.
У той жа час працягваюць узнікаць пытанні з алкаголем. Згодна з патрабаваннямі ПДР Літвы, кіроўцы і пасажыры не могуць перасоўвацца ў аўто з адкрытымі алкагольнымі напоямі, таму ў дачыненні да гэтага прадукту раскаркоўванне наўрад ці прымяняльнае.
Таксама строга забаронена правозіць мяса-малочную прадукцыю, але гэтая забарона дзейнічала і раней.
Пра тое, што забарону на ўвоз прадуктаў з Беларусі Літва мае намер змякчыць, афіцыйна ўчора паведаміла літоўская мытня.
Літва змякчыла забарону на ўвоз прадуктаў з Беларусі
«Пакінулі толькі адну цыгарэту». Што цяпер адбываецца пры пераходзе беларуска-літоўскай мяжы
Горы прадуктаў, напояў і пакетаў — як выглядаюць сталы на памежным пераходзе на мяжы з Літвой ФОТА
Больш шкодзяць звычайным беларусам, чым рэжыму Лукашэнкі. Офіс Ціханоўскай пракаментаваў забарону Літвы ўвозіць прадукты
У Літву без ежы, напояў і цыгарэт. Што адбываецца з увозам беларускіх тавараў у Літву?
Цяпер чытаюць
26‑гадовага супрацоўніка элітнага падраздзялення мытні асудзілі на 16 гадоў па наборы палітартыкулаў. Сярод іх і «здрада дзяржаве»6
Каментары