Ad učora litoŭskija mytniki pierastali adbirać ssabojki pry ŭjeździe ŭ krainu. Ale abmiežavańniaŭ usio adno chapaje
Jak daviedaŭsia sa svaich krynic błohier Anton Matolka, učora z druhoj pałovy dnia značna źmiakčyłasia zabarona na ŭvoz praduktaŭ ź Biełarusi ŭ Litvu.
Krynicy Antona Matolki paviedamlajuć, što kali ranicaj 5 červienia ludziej jašče prymušali vykidvać ahurki, suchija krupy i navat vadu ŭ butelkach, to ŭžo prykładna apoŭdni situacyja stała mianiacca.
Ludzi pišuć, što ŭ ich pierastali adbirać ježu, vadu, leki i inšyja pradukty. Cyharety treba pravozić u adkrytych pačkach, pradukty vahoj da 2 kh taksama musiać być raspakavanyja.
U toj ža čas praciahvajuć uźnikać pytańni z ałkaholem. Zhodna z patrabavańniami PDR Litvy, kiroŭcy i pasažyry nie mohuć pierasoŭvacca ŭ aŭto z adkrytymi ałkaholnymi napojami, tamu ŭ dačynieńni da hetaha praduktu raskarkoŭvańnie naŭrad ci prymianialnaje.
Taksama stroha zabaroniena pravozić miasa-małočnuju pradukcyju, ale hetaja zabarona dziejničała i raniej.
Pra toje, što zabaronu na ŭvoz praduktaŭ ź Biełarusi Litva maje namier źmiakčyć, aficyjna ŭčora paviedamiła litoŭskaja mytnia.
Litva źmiakčyła zabaronu na ŭvoz praduktaŭ ź Biełarusi
«Pakinuli tolki adnu cyharetu». Što ciapier adbyvajecca pry pierachodzie biełaruska-litoŭskaj miažy
Hory praduktaŭ, napojaŭ i pakietaŭ — jak vyhladajuć stały na pamiežnym pierachodzie na miažy ź Litvoj FOTA
Bolš škodziać zvyčajnym biełarusam, čym režymu Łukašenki. Ofis Cichanoŭskaj prakamientavaŭ zabaronu Litvy ŭvozić pradukty
U Litvu bieź ježy, napojaŭ i cyharet. Što adbyvajecca z uvozam biełaruskich tavaraŭ u Litvu?
Łukašenku stała drenna na samicie ŠAS u Kazachstanie — Dožd́16
Kamientary