У Слуцку хлопца павіншавалі з днём нараджэння, імітаваўшы затрыманне. Цяпер да жартаўнікоў прыйшоў сапраўдны АМАП
Слуцкі гідрабольны клуб Battlefield павіншаваў 15-гадовага падлетка з днём нараджэння, імітаваўшы яго затрыманне — на яго надзелі кайданкі, скамандавалі «мордай у падлогу», пасля чаго прынеслі торт, на якім трэба было задзьмуць свечкі. Ролік клуб апублікаваў ва інстаграме. Пасля гэтага да іх саміх прыйшлі сілавікі, піша «Медыязона».
У відэа клуба Battlefield да кампаніі падлеткаў падʼязджае машына з «сілавікамі» — удзельнікамі клуба. Яны з рацыямі, у балаклавах, экіпіроўцы колеру хакі.
Хлопца абшукваюць на вачах у яго сяброў і суседзяў, забіраюць тэлефон, пасля пранку віншуюць з днём нараджэння.
Відэа зʼявілася ў акаўнце клуба два дні таму. У аўторак, 30 ліпеня, тэлеграм-канал сілавікоў апублікаваў пост, у якім піша, што арганізатараў пранку затрымалі.
«Празмерна актыўныя выдумшчыкі за сваю задуму ўжо атрымалі пратаколы за дробнае хуліганства — зараз у іх будзе час падумаць над сваімі паводзінамі ў ІЧУ», — гаворыцца ў пасце.
Цяпер чытаюць
«Я зарабляла на OnlyFans $2000‑3000 на месяц». Беларуска расказала, як стала здымаць кантэнт для дарослых і чаму па-ранейшаму жыве без сэксу15
«Я зарабляла на OnlyFans $2000‑3000 на месяц». Беларуска расказала, як стала здымаць кантэнт для дарослых і чаму па-ранейшаму жыве без сэксу
У Быхаве паставілі выродлівы помнік жанчыне. Разам са скульптурай у Касцюковічах ён можа стаць сімвалам культурнай дэградацыі Беларусі пры Лукашэнку5454
Каментары
На маму с папой донесу!